މި މަހު ފަށަން ތައްތާރުވަމުން އަންނަ އޭޝިއަން ސާފިން ޗެމްޕިއަންޝިޕްސްގައި ވާދަކުރާ ދިވެހި ރާޅާ އެޅުންތެރިންނަށް ގައުމީ ޓީމުގެ ޖާޒީ މިއަދު ހަވާލުކޮށްފި އެވެ.
ގައުމީ ޓީމުގެ އެތުލީޓުންނަށް ޖާޒީ ހަވާލުކޮށް ދެއްވީ ސްޕޯޓްސް މިނިސްޓަރު ޢަބްދުﷲ ރާފިއު އެވެ.
އޭޝިއަން ސާފިން ޗެމްޕިއަންޝިޕްސްގައި ރާއްޖެ އިން 14 އެތުލީޓުން ވާދަކުރެ އެވެ. އޭޝިއަން ސާފިން ޗެމްޕިއަންޝިޕް އެންމެ ފުރަތަމަ ރާއްޖޭގައި ބާއްވާފައި ވަނީ މިދިޔަ އަހަރު އެވެ.
މި ފަހަރުގެ މުބާރާތް ވެސް ބާއްވަން ހަމަޖެހިފައި ވަނީ މިދިޔަ އަހަރެކޭ އެއްގޮތަށް ކ. ތުލުސްދޫގަ އެވެ. މުބާރާތް ކުރިއަށް ދަނީ އޮގަސްޓް 17-24 އަށެވެ.
މިދިޔަ އަހަރުގެ އޭޝިއަން ސާފިން ޗެމްޕިއަންޝިޕްސްގައި ރާއްޖެއަށް އޭޝިއަން ރޭންކިންގެ ރިހި މެޑަލް ލިބިފައިވާ އިރު ޓީމް އިވެންޓުން ބްރޯންޒް މެޑަލް ވެސް ލިބުނެވެ. އަދި މެންސް ކެޓަގަރީގެ ބްރޯންޒް މެޑަލް ހުސެއިން އަރީފު (އިބޫ) އަށް ވަނީ ލިބިފައިވެ އެވެ.