ސިޔާސީ މަގާމުތައް އަދާކުރާ މީހުން ވެސް ބޭންކުގެ ބޯޑަށް އައްޔަން ކުރެވޭ ގޮތަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ން ގަވާއިދު އިސްލާހުކޮށްފި އެވެ.
ބޭންކުތަކުގެ ކޯޕަރޭޓް ގަވަނަންސް ރެގިއުލޭޓް ކުރާ ގަވާއިދުގައި ކުރިން ކަނޑައަޅާފައި އޮންނަ ގޮތުން ސަރުކާރު ނުވަތަ ސަރުކާރުގެ ޑިޕާޓްމަންޓަކަށް ރައީސުލްޖުމްހޫރިއްޔާ އައްޔަންކޮށްފައިވާ އެއްވެސް މީހަކު ބޭންކު، އިންޝުއަރެންސް ނުވަތަ ފައިނޭންސް ކުންފުންޏެއްގެ ބޯޑަށް އައްޔަން ނުކުރެވޭނެ އެވެ.
ނަމަވެސް އެމްއެމްއޭ އިން މިދިޔަ ބުރާސްފަތި ދުވަހު ގަވާއިދަށް ގެނައި އިސްލާހުގައިވާ ގޮތުން ބޭންކުތަކުގެ ބޯޑަށް ނުލެވޭނީ ކެބިނެޓު މިނިސްޓަރަކަށެވެ.
ބޭންކުތަކުގެ ކޯޕަރޭޓް ގަވަނަންސް ރެގިއުލޭޓް ކުރާ ގަވާއިދު އެމްއެމްއޭ އިން އިސްލާހުކޮށްފައި މި މަރުކަޒީ ބޭންކްގެ އޮނިގަނޑަށް ވެސް ގެނައި ބަދަލަކާ އެކީ ފަސް މެނޭޖިން ޑިރެކްޓަރުން އައްޔަންކުރާ ގޮތަށް ހަމަޖައްސާފައި ވަނިކޮށެވެ. މިފަދަ ބަދަލުކެއް މި ގެނައީ ގަވަރުނަރަކަށް ކުރިން ހުންނެވި އަލީ ހާޝިމް މަގާމުން ވަކިކޮށް، އަހުމަދު މުނައްވަރު މިދިޔަ މަހުގެ 31 ގައި ގަވަރުނަރަކަށް އައްޔަންކުރުމާ އެކީގަ އެވެ.