މިއަދު ވެސް މުޅި ރާއްޖެ އަށް ބޯކޮށް ވާރޭ ވެހޭނެ ކަމަށް ލަފާކޮށް ވައިޓް އެލާޓް ނެރެފި އެެވެ.
މޫސުމާ ބެހޭ އިދާރާ އިން އެ އެލާޓް ނެރެފައި ވަނީ ހެނދުނު 9:00 އިން ފެށިގެން މެންދުރު ފަހު 3:00 އާ ހަމައަށެވެ. އެގޮތުން އެ ވަގުތުގެ ތެރޭގައި ބޯކޮށް ވާރޭ ވެހުމާ އެކީ ގުގުރައި ވިލާގަނޑުގައި ގަޑިއަކު 19-24 މޭލާ ދެމެދުގެ ބާރު މިނުގައި ވައި ޖެހި، ވިލާގަނޑުގައި ގަޑިއަކު 45 މޭލަށް ވައި ގަދަވެ، ކަނޑުތައް ވެސް ގަދަވާނެ ކަމަށް ލަފާކޮށްފައިވެ އެވެ.
މި ހަފުތާ އެކީގައި ކަހަލަ ގޮތަކަށް މޫސުން ގޯސްވާނެތީ ކަމާބެހޭ އިދާރާތަކުން ވަނީ ލިބިދާނެ ގެއްލުންތަކުން ރައްކާތެރިވުމަށް ދުރާލައި ފިޔަވަަޅުތައް އެޅުމަށް ވެސް އިލްތިމާސްކޮށްފަ އެވެ.
މިއަދު މުޅި ރާއްޖެ ވައިޓް އެލާޓް ނެރުމުފެ ކުރިން ހއ. އަތޮޅުން ފެށިގެން ގދ. އަތޮޅާ ހަމައަށް ޔެލޯ އެލާޓް ވެސް ނެރުނެވެ. އެއީ ފަތިހު 5:30 އިން ފެށިގެން ހެނދުނު 9:00 އާ ހަމައަށެވެ.