އޮސްޓްރޭލިއާގެ ޓޫރިސްޓް ހޮޓަލެއްގެ ފުރާޅުމައްޗަށް ހެލިކޮޕްޓަރެއް ވެއްޓި، އޭގެ ޕައިލެޓް މަރުވެއްޖެ އެވެ.
މީޑިއާތަކުން ބުނީ ހެލިކޮޕްޓަރު ވެއްޓުނީ ކްއީންސްލޭންޑްގައި ހިލްޓަން އިން ހިންގަމުން ޑަބަލް ޓްރީ ހޮޓަލުގެ ފުރާޅު މައްޗަށް ކަމަށެވެ. އެ ހާދިސާ ހިނގި އިރު، ހެލިކޮޕްޓަރުގައި ޕައިލެޓާ އެކީ އިތުރު ދެ މީހަކު ވެސް ތިއްބެވެ. އެއީ 80 ވަރަކަށް އަހަރުގެ ފިރިހެނަކާއި 70 ވަރަކަށް އަހަރުގެ އަންހެނެކެވެ. އެ ދެ މީހުންނަށް ހޮސްޕިޓަލްގައި ފަރުވާ ދެމުން އަންނަ އިރު، ސީރިއަސް ގެއްލުމެއްވެފައެއް ނުވެ އެވެ.
BREAKING – Helicopter crashes into roof of Double Tree Hotel by Hilton in Cairns, Australia
— Insider Paper (@TheInsiderPaper) August 11, 2024
ހޮޓަލުގެ ފުރާޅުމައްޗަށް ހެލިކޮޕްޓަރު ވެއްޓުމާ އެކީ އެތަނުން މީހުން ހުސްކޮށްފައިވެ އެވެ. އެ ހާދިސާ ހިނގި އިރު އެތަނުގައި 400 ވަރަކަށް ޓޫރިސްޓުން ތިއްބެވެ.
ކްއީންސްލޭން ފުލުހުން ބުނީ އެ ހާދިސާ މިހާރު އިތުރަށް ތަހުގީގު ކުރަމުން އަންނަ ކަމަށެވެ. ވެއްޓުނު ހެލިކޮޕްޓަރަކީ ޕްރައިވެޓް ކުންފުންޏަކުން ޗާޓަރުތައް ދަތުރުކުރާ ހެލިކޮޕްޓަރެއް ކަމަށް ވެސް ފުލުހުން ބުންޏެވެ.