ދެހާސް ނަވާރައިގައި ގެނެސްދިން ހޮލީވުޑްގެ ފިލްމު "ދަ ލަޔަން ކިންގް" ލައިވް-އެކްޝަން ފިލްމުގެ ހިންދީ ވާޝަނަށް އަޑު އަޅައިދިން ބޮލީވުޑްގެ ތަރި ޝާހްރުކް ޚާން، އޭނަގެ ދެ ފިރިހެން ދަރިިންނާ އެކީ މީގެ ޕްރީކްއެލް "މުސާފާ: ދަ ލަޔަން ކިންގް" ގެ ހިންދީ ވާޝަނަށް ވެސް އަޑު އަޅައިފި އެވެ.
އެގޮތުން 2019 ގެ ފިލްމުގެ ހިންދީ ވާޝަންގައި މުސާފާގެ ކެރެކްޓާ އަށް ޝާހްރުކް އަޑު އަޅައިި ދިން އިރު، ސިމްބާ އަކީ އަރިއަން ހާނެވެ.
"މުސާފާ: ދަ ލަޔަން ކިންގް" މި އަހަރުގެ ޑިސެމްބަރު 20 ގައި ސިނަމާތަކަށް ގެންނަން ނިންމާފައި އިރު، ހިންދީ ވާޝަންގައި މި ފަހަރު ޝާކްރުކާއި އަރިއަންގެ އިތުރުން، ޝާހްރުކްގެ އެންމެ ހަގު ދަރި، އަބްރަހަމްގެ އަޑު ވެސް އިވިގެން ދާނެ އެވެ. އުމުރުން މިހާރު 11 އަހަރުގެ އަބްރަމް އަޑު އަޅާފައި ވަނީ މުސާފާގެ ޅަ އިރުގެ ކެރެކްޓާއަށެވެ.
ތިން ބެއިންގެ އަޑު އިވިގެންދާ ޓްރެއިލާ ވެސް މިހާރު ވަނީ އާންމުކޮށްފަ އެވެ. ޝާހްރުކްގެ ސޯޝަލް މީޑިއާގައި ވެސް ޓްރެއިލާ ޕޯސްޓްކޮށްފައިވެ އެވެ.
މިއުޒިކަލް ޑްރާމާއެއްގެ ގޮތުގައި ގެނެސްދޭ "މުސާފާ: ދަ ލަޔަން ކިންގް" އަކީ ބެރީ ޖެންކިންސް ޑައިރެކްޓްކޮށްފައިވާ ފިލްމެކެވެ. މިއަށް ހޮލީވުޑްގެ މަޝްހޫރު ފަންނާނުންތަކެއް އަޑު އަޅާފައިވެ އެވެ.
ޖޯން ފެވަރޯ 2670 މިލިއަން ޑޮލަރުގެ ބަޖެޓަކުން ޖުލައި 19، 2019 ގައި ގެނެސްދިން "ލަޔަން ކިންގް" އަކީ ބޮކްސް އޮފީހުގައި 1.663 ބިލިއަން ޑޮލަރުގެ އާމްދަނީއެއް ހޯދި ފިލްމެކެވެ.