ގެއްލިގެން ހޯދި ކުޅުދުއްފުށީ ޒުވާނާ މިހާރު ފެނިފައިވާ ކަމަށް ފުލުހުން ބުނެފި އެވެ.
އެ ސިޓީގެ ކިނާރާގޭ، އަހުމަދު އަނިލް މުޙައްމަދު، 23، ގެއްލިގެން ފުލުހުންނަށް ރިޕޯޓްކުރީ ހޮނިހިރު ދުވަހު އެވެ.
ފުލުހުން މިއަދު ބުނީ މާލޭގައި ދިރިއުޅެމުން އަންނަ ޒުވާނާ އާއިލާ އަށް ގުޅާފައިވާ ކަމަށާއި ހާލު ރަނގަޅު ކަމަށް ބުނެފައިވާ ކަމަށް އާއިލާ އިން ފުލުހުންނަށް މައުލޫމާތު ދީފައިވާ ކަމަށެވެ. ނަމަވެސް އެކަމާ ގުޅޭ އިތުރު ތަފުސީލެއް ހާމައެއް ނުކުރެ އެވެ.
އަނިލް ގެއްލިގެން ފުލުހުންނަށް އާއިލާ އިން ރިޕޯޓްކުރީ މި މަހުގެ 8 ގެ ފަހުން އޭނަގެ އެއްވެސް ޚަބަރެއް ނުވެގެންނެވެ.