މާލޭ ސްކޫލަކަށް ބެލެނިވެރިޔަކު ރުޅި ގަދަވެގެން ވަދެ، ދަރިވަރުން ކުރިމަތީގައި ޓީޗަރުންނަށް ބިރު ދެއްކިކަމުގެ ތުހުމަތުގައި އެ ހައްޔަރުކޮށް ބަންދަށް 30 ދުވަސް ޖަހައިފި އެވެ.
މިދިޔަ ހަފުިތާގެ ހޯމަ ދުވަހު ހެނދުނުގެ ހިނގި އެ ހާދިސާއާ ގުޅިގެން ފުލުހުން ހައްޔަރުކުރީ 41 އަހަރުގެ ދިވެހި ފިރިހެނެކެވެ.
އޭނަގެ ކޯޓު އަމުރުތަކުން އެނގޭ ގޮތުގައި ހައްޔަރުކޮށްފައި ވަނއެ ސްކޫލްގެ ކްލަސްރޫމްތަކަށް ވަދެ ހަމަނުޖެހުން ހިންގިކަމުގެ ތުހުމަތުގަ އެވެ. ނަމަވެސް އޭނާ އެކަން ކުރީ ކޮން ކަމަކާ ގުޅިގެން ކަމެއް އަމުރުން ސާފު ނުވި ނަމަވެސް ފުލުން ބުނިފައި ވަނީ ބެލެނިވެރިޔާ ކުދިން ކުރިމަތީގައި ޓީޗަރުންނަށް ބިރުދައްކައި ސްކޫލްގެ މުވައްޒަފުންނާ ޒުވާބުކޮށް އެ މީހުންނަށް ވެސް ބިރު ދައްކާފައިވާ ކަމަށެވެ.
ކޯޓް އަމުރުގައިބވާ ގޮތުން އެ މީހާ އަކީ ކުރިން ވެސް ބިރުދެއްކުމުގެ މައްސަލަތަކެއްގައި ކުށުގެ ރިކޯޑް އޮތް މީހެކެވެ. އަދި ސްކޫލް ތެރޭގައި އޭނަ އަމަލު ހިންގާފައި ވަނީ ކުޑަކުދިންގެ ހިތްތަކުގައި ބިރުވެރިކަން އުފެދޭ ގޮތަށް އެކަމަށް އެއްވެސް ފަރުވާލެއް ނުހައްޓައިކަން ބަންދު އަމުރުގައިވެ އެވެ.