ރައްޔިތުންގެ މަޖިލީހުގެ މިހާރު ހިނގާ ދައުރު ދަންމާލުމަށް ފާސްކޮށްފިއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި މަޖިލިސް ރައީސް އަބްދުއްރަހީމް އަބްދުﷲ ވިދާޅުވީ، މަޖިލީހުގެ މިދައުރުގެ މުއްދަތު ހިނގާނީ އޮގަސްޓް 15 ގެ ނިޔަލަށް ކަމަށް ގަވައިދުގައި ބުނާ ކަމަށެވެ.
އެހެންނަމަވެސް މަޖިލީހުގައި މިވަގުތު ކޮންމެހެން ނިންމަންޖެހޭ މުހިންމު މަސައްކަތްތަކެއް ހުރުމުން 26 އޮގަސްޓްގެ ނިޔަލަށް ދައުރު ދަންމާލުމަށް މަޖިލިސް ރައީސް އަބްދުއްރަހީމް ހުށަހެޅުއްވިއެވެ.
ދައުރު ދަންމާލުމަށް މަޖިލީހުގައި މިއަދު ވޯޓަށް އެހުމުން އެގޮތަށް ފާސްކޮށްފައިވަޏީ ވޯޓުގައި ބައިވެރިވި 8 މެންބަރުންގެ ވޯޓުންނެވެ.
މަޖިލީހުގެ ގަވައިދުގައި ބުނެފައިވަނީ މަޖިލީހުގެ ދެވަނަ ދައުރު ހިނގާނީ ޖޫން މަހުގެ ފުރަތަމަ ދުވަހުން ފެށިގެން އޮގަސްޓު މަހުގެ ފަނަރަވަނަ ދުވަހުގެ ނިޔަލަށް ކަމަށެވެ. އަދި މަޖިލިސް ޗުއްޓީއަށް ދިއުމަށްފަހު ތިންވަނަ ދައުރު ހިނގާނީ އޮކްޓޫބަރު މަހުގެ ފުރަތަމަ ދުވަހުން ފެށިގެން ނޮވެންބަރު މަހުގެ ނިޔަލަށެވެ. މަޖިލީހުގެ ފުރަތަމަ ދައުރު ހިންގަނީ ފެބުރުވަރީ މަހުގެ ފުރަތަމަ ދުވަހުން ފެށިގެން މޭ މަހުގެ ފަނަރަވަނަ ދުވަހުގެ ނިޔަލަށެވެ.