އިއްޔެ އެންމެ ބޯކޮށް ވާރޭވެހުނީ ހއ. ކެލާއަށް ކަމަށާއި މިއީ 24 ގަޑިއިރުގެ ތެރޭގައި އެންމެ ގިނައިން ވާރޭވެހުނު ކަމަށް ރެކޯޑް ކުރެވުނު ފަހަރު ކަމަށް މެޓް އޮފީހުން ހާމަކޮށްފިއެވެ.
މެޓް އޮފީހުން މިއަދު ބުނެފައިވަނީ އޮގަސްޓް 12 ވަނަ ދަުވަހުގެ ހެނދުނު 08:00 އިން 13 ވަނަ ދުވަހުގެ 08:00 އަށް އެންމެ ގިނައިން ވާރޭ ވެހިފައިވަނި ހއ. ކެލާއަށް ކަމަށެވެ.
ކެލާއަށް އިއްޔެ 231.5 މިލިމީޓަރުގެ ވާރޭ ވެހިފައިވެއެވެ. މިއީ މިހާތަނަށް އޮޓަމެޓިކް ވެދަރ ސްޓޭޝަނަކުން 24 ގަޑިއިރަށް ރެކޯޑްކުރެވިފައިވާ އެންމެ މަތީ އަދަދު ކަމަށް މެޓް އޮފީހުން މައުލޫމާތުދެއެވެ.
މީގެއިތުރުން ވިލާގަނޑުގައި އެންމެ ވައިގަދަވެފައިވާ ކަމަށްވެސް ރެކޯޑް ކުރެވިފައިވަނީ އިއްޔެ ގަޑިއަކު 46 މޭލަށް ފ. ނިލަންދޫ އޮޓަމެޓިކް ވެދަރ ސްޓޭޝަނުން ކަމަށްވެސް މެޓް އޮފީހުން ބުނެފައިވެއެވެ.
މެޓް އޮފީހުން ބުނެފައިވަނީ ކުރިއަށް އޮތް 5 ދުވަހުވެސް ރާއްޖޭގެ ބޮޑު ބަޔަކަށް ގުގުރުމާއެކު ވިއްސާރަކުރާނެ ކަމަށެވެ.