ވަކީލުންނަށް ދިމާވާ މައްސަލަތަކާ ގުޅޭ ގޮތުން މަޝްވަރާކުރުމަށް ސިލްސިލާ ފޯރަމްތަކެއް ބާއްވަން ބާ ކައުންސިލް އިން ނިންމައިފި އެވެ.
އެ ކައުންސިލުން ބުނީ ފޯރަމްތައް ކުރިއަށް ގެންދާނީ ގާނޫނީ ވަކީލުކަމުގެ ހުއްދަ ލިބުނު އަހަރަށް ބަަލައި ތިން ބަޔަކަށް ބަހާލައިގެން ކަމަށެވެ. އެގޮތުން ތިން ފޯރަމެއް ބާއްވަން ތާވަލުކޮށްފައިވެ އެވެ.
އޭގެ ތެރެއިން ބާ ކައުންސިލްގެ ފޯރަމް 11 މި މަހުގެ 28 ގައި ބާއްވަން ތާވަލުކޮށްފައިވާ އިރު އެ ފޯރަމް ހާއްސަކުރަނީ ދައުވަތު ޖެނުއަރީ 1، 2019 ގެ ފަހުން ގާނޫނީ ވަކީލުކަމުގެ ހުއްދަ ލިބިފައިވާ ފަރާތްތަކަށެވެ. ބާ ކައުންސިލް ފޯރަމްގެ 12 އަަންނަ މަހުގެ 25 ގައި ބާއްވަން ހަމަޖެހިފައިވާ އިރު އެ ފޯރަމް ހާއްސަވާނީ ޖެނުއަރީ 1، 2014 އިން ޑިސެމްބަރު 31، 2018 އާ ދެމެދު ގާނޫނީ ވަކީލުކަމުގެ ހުއްދަ ލިބިފައިވާ ވަކީލުންނަށެވެ.
ތިން ވަނަ ފޯރަމް އޮންނާނީ އޮކްޓޯބަރު 23 ގަ އެވެ. އެ ހާއްސައީ ބާއްޑިސެމްބަރު 31، 2013 ގެ ކުރިން ގާނޫނީ ވަކީލުކަމުގެ ހުއްދަ ލިބިފައިވާ ވަކީލުންނަށެވެ.