ރާއްޖޭގެ ފެނާއި ނަރުދަމާ ނިޒާމު ތަރައްގީ ކުރަން ދިވެހި ސަރުކާރުން ތުރުކީ ސަރުކާރާ އެކީ އެއްބަސްވުމެއްގައިސޮއިކޮށްފި އެވެ.
މި އެއްބަސްވުމުގައި ދެ ގައުމުގެ މެދުގައި ސޮއިކުރީ ވާޗްއަލްކޮށް މިއަދު ބޭއްވި ބައްދަލުވުމެއްގަ އެވެ. އެންވަޔަރަމަންޓްރީގެ ފަރާތުން ސޮއިކުރެއްވީ މިނިސްޓަރު ތޯރިގް އިބްރާހިމެވެ. ތުރުކީގެ ފަރާތުން ސޮއިކުރެއްވީ އިސްތަންބޫލް ވޯޓާ އެންޑް ސުވަރެޖް އެޑްމިނިސްޓްރޭޝަންގެ ޑެޕިއުޓީ ޖެނެރަލް ޑިރެކްޓަރެވެ.
އެންވަޔަރަމަންޓް މިނިސްޓްރީން ބުނީ އެއްބަސްވުމަކީ ފެނާއި ނަރުދަމާގެ ދާއިރާ ތަރައްގީ ކުރުމަށްޓަކައި ދެ ގައުމުގެ ދެމެދުގައި ފަންނީ ތަޖުރިބާ ބަދަލުކުރުމުގެ މަގުސަދުގައި ހެދި އެއްބަސްވުމެއް ކަމަށެވެ.
އެގޮތުން އެއްބަސްވުމުގެ ތެރެއިން ފެނާއި ނަރުދަމާގެ ދާއިރާ އިން މީހުން ތަމްރީނު ކުރުމާއި، ދާއިރާއާ ގުޅޭ ބައިނަލްއަގްވާމީ ކޮންފަރެންސްތަކުގައި ދެ ގައުމު ގުޅިގެން ބައިވެރިވެ، ދާއިރާއަށް ކުރިއެރުން ހޯދުމަށް ކުރެވެން ހުރި މަސައްކަތްތައް ކުރާނެ މިނިސްޓްރީން ބުންޏެވެ.