ރާއްޖެއިން ޕާކިސްތާނަށް ކަނޑައަޅުއްވާފައިވާ ސަފީރު އަލްއުސްތާޛް މުޙައްމަދު ޠާހާ، ސަފީރުކަމުގެ ފަތްކޮޅު ޕާކިސްތާނު ގެ ރަ އީސް އާސިފް އަލީ ޒަރްދާރީ އަށް މިއަދު އަރުވައިފި އެވެ.
މި ރަސްމިއްޔާތު އޮތީ އިސްލާމާބާދުގައި ހުންނަ ރައީސް އޮފީސް އައިވާން އޭ-ސަދްރ ގަ އެވެ.
ފަތްކޮޅު އެރުވުމުގެ ރަސްމިއްޔާތަށް ފަހު ތާހާ ވަނީ ޕާކިސްތާނުގެ ރައީސްއާ ބައްދަލު ކުރައްވާފައެވެ. މި ބައްދަލުވުމުގައ،ި ރައީސް ޑރ. މުޙައްމަދު މުޢިއްޒު އަދި ދިވެހި ރައްޔިތުންގެ ހެޔޮއެދުންތައް ޕާކިސްތާނު ރައީސަށް އަރިސް ކުރެއްވި އެވެ.
ސަފީރުގެ ވާހަކަފުޅުގައި ދެ ޤައުމުގެ ދޭތެރޭގައި އޮތް ދުވަސްވީ އަހުވަންތަކަމުގެ ގުޅުން އިތުރަށް ވަރުގަދަކުރުމުގައި ސާބިތުވެހުންނަވާނެ ކަމުގެ ޔަގީންކަން އެރުވި އެވެ. އަދި ފަތްކޮޅު އެރުވުމުގެ އިންތިޒާމްތައް އަވަސް ފުރުސަތެއްގެ ތެރޭގައި ހަމަޖައްސަވައިދެއްވި ކަމަށްޓަކައި ޝުކުރު އަދާކުރެއްވި އެވެ.
ޕާކިސްތާނުގެ ރައީސް ގެ ވާހަކަފުޅުގައ،ި ސަފީރުކަމުގެ މަޤާމާ ޙާވަލުވެވަޑައިގެންނެވުމާ ގުޅިގެން އެމަނިކުފާނަށް ތަހުނިޔާ ވިދާޅުވި އެވެ. އަދި ދެ ޤައުމުގެ ދެމެދުގައި މިހާރު އޮތް ގުޅުން އިތުރަށް ބަދަހިކުރުމަށްޓަކާ ދިވެހި ސަރުކާރަށް އެއްބާރުލެއްވުން ދެއްވާނެކަމުގެ ޔަގީންކަން ވެސް އެރުވި އެވެ.