ބޮލީވުޑްގެ އެކްޓަރު ސިދާތު މަލްއުތުރާގެ ވަތަނީ އެކްޝަން ފިލްމު "މިއްޓީ" ގެ ބަތަލާ އަކީ ދެކުނުގެ ބަތަލާ ސްރީލީލާ ކަމަށް ރިޕޯޓްތައް ބުނެފި އެވެ.
ޕިންލްވިލާ އިން އެ ފިލްމުގެ ބަތަލާއަކަށް އޭނަ ހަމަޖެއްސުމާ ގުޅިގެން އޮކްޓޯބަރު މަހުގެ ތެރޭގައި ކްރޫއާ ގުޅޭނެ ކަމަށެވެ. ސިދާތާ އެކީ ފިލްމެއް ކުޅެން ސްރީލީލާ އަށް ފުރުސަތު ލިބުނު އިރު، މިދިޔަ މަހުގެ ތެރޭގައި ޝޫޓިން ވަރޫން ދަވަންގެ ރޮމޭންޓިކް ކޮމެޑީ "ހޭ ޖަވާނީ ތޯ އިޝްގް ހޯނާ ހޭ" ގެ ކާސްޓްގައި ވެސް ސްރީލީލާ ހިމެނޭ ކަމަށް ރިޕޯޓްތައް ބުނެ އެވެ.
ނަމަވެސް އެ ފިލްމުގެ ޓީމުން އެކަން އަދި ކަށަވަރުކޮށް ދީފައެއް ނުވެ އެވެ. އެކަމަކު ވަރޫންގެ ބައްޕަ ޑޭވިޑް ދަވަން ޑައިރެކްޓްކުރާ "ހޭ ޖަވާނީ ތޯ އިޝްގް ހޯނާ ހޭ" ގައި ދެ ބަތަލާއިން ހިމެނޭ ކަމަށާއި އޭގެ ތެރެއިން އެކަކީ މުރްނާލް ތާކޫރްކަން ވަނީ ކަށަވަރުވެފަ އެވެ.
އެމެރިކާގެ ޑިޓްރޮއިޓަށް އުފަން ސްރީލީލާ، 23، އެކްޓިން އަށް ނުކުތީ 2017 ގަ އެވެ. އޭނަގެ އެންމެ ފަހުގެ ފިލްމަކީ ޖެނުއަރީގައި ރިލީޒްކުރި މަހޭޝް ބާބޫގެ "ގުންތޫރު ކާރަމް" އެވެ. ސްރީލީލާގެ ކުރިއަށް ހުރި ފިލްމުތަކުގެ ތެރޭގައި "ރޮބިންހުޑް" އާއި "އުސްތާދު ބަގަތު ސިންގް" ހިމެނެ އެވެ.
"މިއްޓީ" އަކީ ބަލްވިންދަރު ސިންގް ޖަނޫޖާގެ ޑައިރެކްޓްކުރާ ފިލްމެކެވެ.