އެމްޕޮކްސް ނުވަތަ މަކުނުވިދުރީގެ ނުރައްކާ ރާއްޖޭގައި އޮތީ މިންވަރަކަށްތޯ ބެލުމަށް ރިސްކް އެސެސްމެންޓެއް ހެދުމުގެ މަސައްކަތް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ފަށައިފި އެވެ.
އެތަނުން މިއަދު ސޯޝަލް މީޑިއާ ޕޯސްޓެއްގައި ބުނީ އެ އެސެސްމެންޓު ހަދަން ފެށީ މަކުނުވިދުރީގެ ނުރައްކާ މުޅި ދުނިޔެއަށް ވެސް އޮތް ކަމަށް ކަނޑައަޅައި ޑަބްލިއުއެޗްއޯއިން ރޭ އާންމު ސިއްހީ ނުރައްކަލުގެ ހާލަތު އިއުލާނު ކުރުމާ ގުޅިގެން ކަމަށެވެ. އެގޮތުން އެފްރިކާގެ ގައުމުތަމުގައި އެ ބަލި މިހާރިު ދަނީ ބާރަށް ފެތުރެމުންނެވެ.
އެޗްޕީއޭއިން އެ ބައްޔާ ގުޅޭ ގޮތުން ހަދަން އަންނަ ރިސްކް އެސެސްމަންޓަށް ފަހު، ރައްކާތެރިކަމުގެ ގޮތުން އަޅަން ޖެހޭ ފިޔަވަޅުތައް އާންމު ކުރާނެ ކަމަށެވެ.
ޑަބްލިއުޗްއެޗްއޯ އޮން ބުނެފައި ވަނީ މަކުނުވިދުރީގެ ނުރައްކާ މިހާރު މުޅި ދުނިޔެއަށް އެބައޮތް ކަމަށެވެ.
ގައިން ގަޔަށް އަރާ މަކުނުވިދުރިއަކީ ވައިރަހަކުން ޖެހޭ ބައްޔެކެވެ. އަދި މި ބަލި ޖެހޭ މީހުންގެ ބޮޑު ނިސްބަތަކީ ފިރިހެނުންނެވެ. މީގެ ކުރިން މަކުނުވިދުރިއާ ބެހޭ ގޮތުން ހަދާފައިވާ ދިރާސާތަކުން ދައްކާ ގޮތުގައި މި ބަލި އެންމެ ބޮޑަށް ޖެހެނީ އެއްޖިންސުން ގުޅުން ހިންގާ މީހުންގެ މެދުގަ އެވެ.
އިންސާނަކަށް އެންމެ ފުރަތަމަ މަކުނުވިދުރި ފެނުނީ 1970 ގެ އަހަރުތަކުގައި ޑިމޮކްރެޓިކް ރިޕަބްލިކް އޮފް ކޮންގޯއިންނެވެ.