ހުޅުމާލޭފައި މެދުފަންތީގެ ތިން ސިޓީ ހޮޓާ އިމާރާތްކޮށް، އެ ތަންތަން ހިންގާނެ ހިންގާނެ ބަޔަކު ހޯދަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން އިއުލާންކޮށްފި އެވެ.
އެ ތިން ހޮޓާ ވެސް އިމާރާތް ކުރަން ނިންމާފައި ވަނީ ހުޅުމާލެ 2 ގެ އިންޓެގްރޭޓެޑް ޓޫރިޒަމް ޒޯން، އާބަން އައިލްގަ އެވެ.
އެޗްޑީސީން ބުނީ އެ ސަރަހައްދުގައި މެދުފަންތީގެ ތިން ހޮޓާ އަޅައި އެ ތަން ހިންގަން ޝައުގުވެރިވާ ފަރާތްތަކުން އެކްސްޕްރެޝަން އޮފް އިންޓްރެސްޓް (އީއޯއައި) ހުށަހެޅުމުގެ ފުރުސަތު މި މަހުގެ 29 އާ ހަމައަށް ހުޅުވާލާފައިވާ ކަމަށެވެ. އީއައިއޯ ހުށަހަޅާނީ އީމެއިލް މެދުވެރިކޮށް business@hdc.mv އަށެވެ.
މި މަޝްރޫއު ކުރިއަށް ގެންދިއުމުގައި އިސްކަންދޭނީ ލޭންޑް ލީސް މޮޑެލްއަކަށް ކަމަށް ވިޔަސް އެހެން މޮޑެލްތަކަށް ވެސް އީއޯއައިތައް ހުށަހެޅިދާނެ ކަމަށް އެޗްޑީސީން ބުންޏެވެ. އަދި އެއް ފަރާތަށް ވުރެ ގިނަ ފަރާތުން އެ މަޝްރޫއަށް ޝައުގުވެރިކަން ފާޅުކޮށް، ޕްރޮޕޯސަލް ހުށަހަޅައިފި ނަމަ މަޝްރޫއު ހަވާލު ކުރާނީ އެންމެ ފުރިހަމަ ޕްރޮޕޯސަލް ހުށަހަޅާ ފަރާތަކާ ކަމަށް ވެސް އެ ކުންފުނިން ބުންޏެވެ.
އީއޯއައިތައް އިވެލުއޭޓް ކުރުމުގައި ބަލާނެ ކަންތައްތަކުގެ ތެރޭގައި ޕްރޮޕޯޒްކޮށްފައިވާ ބިޒްނަސް މޮޑެލް އާއި އޮޕަރޭޓަރުގެ ތަޖުރިބާ އަދި ސީއެސްއާރު ހިމެނެ އެވެ.