ތައިލޭންޑަށް ޒުވާން އަންހެން ބޮޑުވަޒީރަކު އިންތިހާބުކޮށްފި އެވެ.
އެ ގައުމުގެ ގާނޫނު ހަދާ މަލިޖީހުގައި ނެގި ވޯޓަކަށް ފަހު، އާ ވެރިއަކަށް އިންތިހާބުކުރީ ކުރިން ބޮޑުވަޒީރުކަން ކުރައް ވާފައިނާ ނުފޫޒު ގަދަ ލީޑަރު ތަކްސިން ސިނަވަޓްރާގެ ދަރިކަނބަލުން ޕައޭޓޮންޓާން ޝިނަވަތްރާ 37، އެވެ. މިއާ އެކީ އޭނަ ވެފައި ވަނީ ތައިލޭންޑްގެ ބޮޑުވަޒީރުކަމަށް ވަޑައިގެންނެވި އެންމެ ހަގު ބޭފުޅާއަށެވެ. އަދި އޭނަ އަކީ ފާއިތުވި 20 އަހަރުގެ ތެރޭގައި ޝިނަވަޓްރާ އާއިލާ އިން ބޮޑުވަޒީރު ކަމަށް ވަޑައިގެންނެވި ހަތަރު ވަނަ ބޭފުޅާ އެވެ.
ޕައޭޓޮންޓާން ބޮޑުވަޒީރު ކަމަށް އައްޔަން ކުރަން ގާނޫނު ހަދާ މަޖިލީހުގައި ނެގި ވޯޓްގައި 319 މެންބަރުންގެ ތެރެއިން 145 މެންބަރަކު ވޯޓު ދެއްވި އެވެ.
ގައުމު ހިންގެވުމުގެ އެންމެ އިސް މަގާމު އޭނަ އަށް ލިބިވަޑައިގަތް އިރު، ޕައޭޓޮންޓާން އަކީ ތައިލޭންޑްގެ 31 ވަނަ ބޮޑުވަޒީރެވެ.
ތައިލޭންޑަށް އާ ބޮޑުވަޒީރަކު މި އިންތިހާބުކުރީ އެ މަގާމުގައި އެންމެ ފަހުން ހުންނެވި ސްރެތާ ތަވިސިން މަގާމުން ވަކިކުރުމަށް ފަހު އެވެ.
މީގެ އަހަރެއްހާ ދުވަސް ކުރިން ބޮޑުވަޒީރު ކަމަށް ވަޑައިގެންނެވި ސްރެތާ، 62، މަގާމު ގެއްލިއްޖެ ކަމަށް ގާނޫނު ހަދާ މަޖިލީހުން މީގެ ދެ ދުވަސް ކުރިން ނިންމީ ޖިނާއީ ކުށެއް ސާބިތުވެ ޖަލު ހުކުމެއް ތަންފީޒުކުރި ގާނޫނީ ވަކީލެއް ކެބިނެޓުގައި ހިމެނުމުން އެ ކަމަކީ ގާނޫނުއަސާސީއާ ހިލާފުވެފައިވާ ކުރއެއްވި ކަމަށް ކަނޑައަޅައިފަ އެވެ.