އަންނަ މަހު ރިލީޒްކުރަން ހަމަޖެހިފައިވާ ތެލެގޫ ފިލްމު "ދެވާރާ: ޕާޓް 1" އިން ސައިފް އަލީ ޚާން ފެންނާނެ ގޮތުގެ ޓީޒާއެއް މިއަދު ދައްކާލައިފި އެވެ.
މި ޓީޒާ ދައްކައިލީ މިއަދު ފާހަގަކުރާ އޭނަގެ 54 ވަނަ އުފަން ދުވަހާ ގުޅިގެންނެވެ. "ދެވާރާ" ގައި ސައިފް ފެންނާނީ ބައިރާ ކިޔާ ކެރެކްޓާއަކުންނެވެ.
މަޝްހޫރު ތެލެގޫ އެކްޓަރު އެންޓީއާރް ޖޫނިއާ ބަތަލުގެ ރޯލު ކުޅެފައި "ދެވާރާ" އަކީ ކޮރަޓަލާ ސިވާ ޑައިރެކްޓްކޮށްފައިވާ އެކްޝަން ޑްރާމާއެކެވެ. މީގެ ބަތަލާ އަކީ ބޮލީވުޑްގެ ޒުވާން ބަތަލާ ޖާންވީ ކަޕޫރެވެ.
"ދެވާރާ" އަކީ 2022 ގެ "އާރްއާރްއާރް" އަށް ފަހު، ބެލުންތެރިންނާ ހަމައަށް އަންނަ އެންޓީއާރްގެ ފުރަތަމަ ފިލްމެވެ.
އަންނަ މަހުގެ 27 ގައި ރިލީޒްކުރަން ގަމަޖެހިފައިވާ ފިލްމު ހިންދީ އޯޑިއަންސަށް ގެނެސްދޭން ނިންމާފައި ވަނީ ކަރަން ޖޯހަރްގެ ދަރުމާ ޕްރޮޑަކްޝަންގެ ފަރާތުންނެވެ.