މިދިޔަ ހަފުތާގެ ތެރޭގައި އިންޑިއާގެ އަންހެން ޑޮކްޓަރަކު ރޭޕްކޮށް، މަރާލި މައްސަލަ ވަރަށް ބޮޑަށް ހޫނުވެފައި ވަނިކޮށް އިންޑިއާގެ ޑޮކްޓަރުން ގައުމީ ބޮޑު އިހުތިޖާތަކަށް މިއަދު ނުކުމެއްޖެ އެވެ.
ސައުވީ ގަޑިއިރަށް ދެމިގެންދާ މި އިހުތިޖާޖި އިންތިޒާމުކޮށްފައި ވަނީ އިންޑިއަން މެޑިކަލް އެސޯސިއޭޝަން އައިއެމްއޭ) އިންނެވެ. އެތަމުން ބުނީ މި އިހުތިތާޖު ކުރިއަށްދާ ވަގުތުގެ ތެރޭގައި ހޮސްޕިޓަލްތަކުއި އާންމު ހިދުމަތްތައް ނޫން އެހެން ހުރިހާ ހިދުމަތްތަކެއް ހުއްޓާލާފައިވާ ކަމަށެވެ.
ޑޮކްޓަރަކު ރޭޕްކޮށް މަރާލުމަ ގުޅިގެން އެކަމަށް އިންސާފު ހޯދަން ގޮވާލައި، ޑޮކްޓަރުން ބޮޑު އިހުތިޖާޖެއް ފެށި އިރު، އައިއެމްއޭ އިން ވަނީ ހާދިސާ ވަރަށް ބޮޑަށް ކުށްވެރިކޮށްފަ އެވެ. އަދި އެ އަމަލު ހިންގި ހިންގި މީހުން އިންސާފުގެ ކުރިމައްޗަށް ގެނެސް ގާނޫނީ ގޮތުން ދެވެން އޮތް އެންމެ ހަރުކަށި އަދަބު ދޭން ވެސް އަންނަނީ ގޮވައިލަމުންނެވެ.
ޑޮކްޓަރުން އަންނަނީ އެ މީހުންނާއި ހިޮސްޕިޓަލްތަކަށް ބޭނުންވާ ފުރިހަމަ ރައްކާތެރިކަން ކަށަވަރުކޮށް ދޭން ވެސް ގޮވައިލަމުނނެވެ.
އުމުރުން 31 އަހަރުގެ ޓްރެއިނީ ޑޮކްޓަރު މަރާލާފައި އޮތްވައި ފެނުނީ ކަލްކަތާގެ އާރްޖީ ކާރް މެޑިކަލް ކޮލެޖްގެ ސެމިނާ ހޯލުގެ ތެރެއިންނެވެ. މި ހާދިސާއާ ގުޅިގެން މިހާތަނަށް 25 މީހަކު ހައްޔަރުކޮށް މައްސަލަ އަންނަނީ އިތުރަށް ތަހުގީގު ކުރަމުންނެވެ.
މި ހާދިސާ ފެންމަތިވި ހިސާބުން އިންޑިއާގެ އެކި ހިސާބުތަކުގައި މުޒަހަރާކޮށް، އިންސާފަށް ގޮވާލާފައިވެ އެވެ.
އިންޑިއާ އަކީ ރޭޕްގެ ހާދިސާތައް ވަރަށް ގިނަ ގައުމެކެވެ. އެހެންވެ އެ ގައުމު ސިފަކުރަނީ "ރޭޕް ކެޕިޓަލް" ގެ ގޮތުގަ އެވެ.