ރައްޔިތުންގެ މަޖިލީހުގެ ރައީސް އަބްދުލްރަހީމް އަބްދުﷲ ޗައިނާ އަށް ފުރާވަޑައިގެންފި އެވެ.
މަޖިލީހުގެ އިދާރާ އިން ބުނީ މަޖިލީހުގެ ރައީސް ޗައިނާ އަށް ކުރައްވާ ދަތުރުފުޅަކީ "2024 އިންޓަ ރީޖަނަލް ސެމިނާ އޮން ދަ އެޗީވްމެންޓް އޮފް ދަ އެސްޑީޖީސް ފޯ ޕާލަމެންޓްސް އޮފް ޑެވެލޮޕިން ކަންޓްރީސް"ގައި ބައިވެރިވެވަޑައިގަތުމަށް ކުރައްވާ ދަތުރުފުޅެއް ކަމަށެވެ.
މަޖިލީހުގެ ރައީސްއާއެކު މި ދަތުރުފުޅުގައި މަޖިލީހުގެ ބައެއް މެމްބަރުން ވެސް ބައިވެރިވެވަޑައިގަންނަވަ އެވެ.
މަޖިލީހުގެ ރައީސް ޗައިނާ އަށް ފުރާވަޑައިގެންފައިވާއިރު، ޗައިނާ-ދެކުނު އޭޝިއާ ކޯޕަރޭޝަން ފޯރަމަށް ރައްޔިތުންގެ މަޖިލީހުގެ ވަފުދެއް އެގައުމަށް މިދިޔަ މަހުގެ ތެރޭގައި ވަނީ ދަތުރުފުޅެއް ކުރައްވާފަ އެވެ. އެ ވަފުދުގައި އިސްކޮށް ހުންނެވީ މަޖިލީހުގެ ނައިބު ރައީސް އަދި ދިއްގަރު ދާއިރާގެ މެންބަރު އަހުމަދު ނާޒިމް ކަމަށްވާއިރު، އޭނާ ވަނީ އެ ފޯރަމްގައި ތަގުރީރު ވެސް ކުރައްވާފަ އެވެ.