ވައްކަމުގެ މައްސަލައަކާ ގުޅިގެން އައްޑޫ ފޭދޫ މީހަކު ހޯދަން އިއުލާންކޮށްފި އެވެ.
ހޯދަން އިއުލާންކުރީ އެ އަވަށު ޑޭޒީމާގޭ މުހައްމަދު ޝާވީ، 23، އެވެ.
ފުލުހުން މިއަދު ބުނީ އޭނަ ހޯދަން އިއުލާންކުރީ ބ. އޭދަފުށި ޕޮލިސް ސްޓޭޝަނުން ތަހުގީގު ކުރަމުން އަންނަ، ވައްކަމުގެ މައްސަލައެއްގެ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކި ތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދު ކުރެވިފައި ނުވާތީ ކަމަށެވެ.
އެހެންވެ މި މަހުގެ 27 ވަނަ ދުވަހުގެ މެންދުރު ފަހު 1:00 އަށް މާލޭގެ ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިން އަށް ޝާވީ ހާޒިރުވާން އަންގާފައިވެ އެވެ.