ދައުލަތުގެ ޕްރޮކިއުމަންޓް ނިޒާމު ހަރުދަނާކުރުމަށްޓަކައި އިލެކްޓްރޯނިކް ގަވަމެންޓް ޕްރޮކިއުމަންޓް (އީ-ޖީޕީ) ނިޒާމެއް ގާއިމުކުރުމުގެ މަސައްކަތް ފިނޭންސް މިނިސްޓްރީން ފަށައިފި އެވެ.
މި މަސައްކަތާ ގުޅޭ މިނިސްޓްރީގައި އިއްޔެ ވަނީ ބައްދަލުވުމެއް މަޝްވަރާތަކެއް ވެސް ކޮށްފަ އެވެ. އެ ބައްދަލުވުމުގައި އެންމެ އިސްކޮށް ހުންނެވީ ފިނޭންސް މިނިސްޓަރު ޑރ. މުހައްމަދު ޝަފީގެވެ.
އީ-ޖީޕީ ނިޒާމަކީ އައިޓީގެ އެހީގައި ސަރުކާރުތަކުގެ ޕްރޮކިއުމަންޓްގެ ކަންކަން ފަސޭހަކަމާއި ހަރުދަނާ ކުރެވޭ ނިޒާމެކެވެ. މި ނިޒާމުގެ ސަބަބުން ސަރުކާރުން ޕްރޮކިއުމަންޓްތަކުގެ ދެފުށްފެންނަ މިންވަރު އިތުރުވާނެ ކަމަށް ފިނޭންސް މިނިސްޓްރީން ބުންޏެވެ.