އެޑިޔުކޭޝަން މިނިސްޓްރީގެ ސްޓޭޓް މިނިސްޓަރެއްގެ މަގާމުގައި ހުންނެވި އައިޝަތު ސޮފޫރާ ޑިފެންސް މިނިސްޓްރީގެ ސްޓޭޓް މިނިސްޓަރަކަށް ބަދަލުކޮށްފި އެވެ.
ނަމަވެސް މިފަދަ ބަދަލެއް ގެނައި ސަބަބެއް ސަރުކާރުން ހާމައެއް ނުކުރެ އެވެ.
ސޮފޫރާ އެޑިއުކޭޝަން މިނިސްޓްރީގެ ސްޓޭޓް މިނިސްޓަރަކަށް މި ސަރުކާރުން އައްޔަންކުރި އޭނަ ސީއެޗްއެސްއީގެ ޕްރިންސިޕަލްގެ މަގާމުގައު ހުންނަވަނިކޮށް މިދިޔަ އަހަރުގެ ޑިސެމްބަރު މަހުގެ ތެރޭގަ އެވެ.
އޭނަ ތައުލީމީ ދާއިރާގައި މަސައްކަތްކުރައްވާތާ މިހާރު 25 އަހަރުވެއްޖެ އެވެ.
ކުރިން މަޖީދިއްޔާ ސްކޫލުގައި ވެސް މަސައްކަތް ކުރެއްވި ސޮފޫރާ އަކީ ބެންގަލޫރު ޔުނިވާސިޓީން ސައިންސްގެ ދާއިރާ އިން ފުރަތަމަ ޑިގްރީ ހާސިލްކުރައްވާފައިވާ ބޭފުޅެކެވެ. އަދި އެމެރިކާގެ އޮހައިއޯ ސްޓޭޓް ޔުނިވާސިޓީގައި އާޓް އިން މެތުސް، ސައިންސް އެންޑް ޓެކްނޮލޮޖީގެ ދާއިރާ އިން މާސްޓާސް ވެސް ހާސިލްކުރައްވާފައިވެ އެވެ.
މީގެ އުތުރުން ޕަބްލިކް އެޑްމިނިސްޓްރޭޝަންގެ ރޮނގުން މައި ކޮލެޖުގައި މާސްޓާސް ވެސް ހާސިލްކުރައްވާފައިވެ އެވެ.