ސައުދީ އަރަބިއްޔާގެ މައްކާގެ ހިރާ ފަރުބަދަ އަށް އެރުމަށް ކޭބަލް ކާރު ބޭނުން ކުރަން ތައްޔާރުވާން ފަށައިފި އެވެ.
މިކަމުގެ ތައްޔާރީތައް މިހާރު ގާތްގަނޑަކަށް ނިމުމަކަށް އައިސްފައިވާ ކަމަށް ސައުދީ ސަރުކާރުގެ ކަމާބެހޭ އޮފިޝަލުން ވިދާޅުވެފައިވެ އެވެ. އެހެންވެ ހިރާ ފަރުބަދަ އަށް އަރަން ވަރަށް އަވަހަށް ކޭބަލް ކާރު ބޭނުން ކުރަން ފަށާނެ އެވެ.
ޒަމާނީ މި ފަސޭހަ ނިޒާމު ތައާރަފުކުރި ނަމަވެސް ހިރާ ފަރުބަދައިގެ މައްޗަށް ފައިމަގުގައި އަރައި، އެތަން ތަޖުރިބާކޮށްލަން ބޭނުންވާ މީހުންނަށް އެ ފުރުސަތު އޮންނާނެ އެވެ.
ހިރާ ފަރުބަދަ ނުވަތަ ޖަބަލުއްނޫރު އަށް އަރަން ކޭބަލް ކާރުގެ ނިޒާމެއް ގާއިމު ކުރަން ނިންމިކަން ސައުދީ ސަރުކާރުން އިއުލާންކުރީ 2020 ގެ ތެރޭގަ އެވެ.
މި ފަރުދަބަދަ އަކީ އިސްލާމީ ތާރީހާ ވަރަށް ބޮޑަށް ގުޅިފައިވާ އަދި ކޮންމެ އަހަރަކު ވެސް ހައްޖާއި އުމްރާ އަށް ދާ ގިނަ ބަޔަކު ޒިޔާރަތްކުރާ ތަނެކެވެ. ހިރާ ފަރުބަދައިގެ އުސްމިނަކީ 642 މީޓަރު ނުވަތަ 2،106 ފޫޓެވެ.
ކީރިތި ރަސޫލާ އަށް އެންމެ ފުރަތަމަ ވަހީ ބާއްވައިލެއްވުނީ ހިރާ ފަރުބަދައިގެ ހޮހޮޅައިގައި އިންނަވަކިކޮށެވެ. އެހެންވެ މިއީ މުސްލިމުންގެ މެދުގައި ވަރަށް ބޮޑު ގަދަރަކާއި އިހުތިރާމެއް ދެވިގެންދާ ފަރުބަދައެކެވެ.