އިނގިރޭސިވިލާތުން ރާއްޖެ އަށް އާ ސަފީރަކު ކަނޑައަޅައިފި އެވެ.
އެ ގައުމުގެ ހައި ކޮމިޝަނުން ބުނީ އެ މަގާމަށް އައްޔަންކުރީ ނިކް ލޯ ކަމަށެވެ. އޭނަ އަކީ 2010-2014 އަށް އިނގިރޭސިވިލާތުން ބަންގްލަދޭޝަށް ކަނޑައަޅާފައިވާ ޑެޕިއުޓީ ހައި ކޮމިޝަނަރުގެ މަގާމާއި 2019-2023 އަށް އިންޑިއާގެ ކޮލްކަތާ އަށް ކަނޑައަޅާފައިވާ ޑެޕިއުޓީ ކޮމިޝަނަރުގެ މަގާމުވެސް ފުރުއްވާފައިވާ ބޭފުޅެކެވެ.
އިނގިރޭސިވިލާތުން ރާއްޖެ އަށް ކަނޑައެޅި އާ ސަފީރަކަށް ނިކޯލް ހަމަޖެއްސި އިރު، އޭނަ ހުންނެވީ ފޮރިން ކޮމަންވެލްތު ޑިވެލޮޕްމެންޓްގެ ކައުންސެލަރެއްގެ މަގާމުގަ އެވެ.
އިނގިރޭސިވިލާތުން ރާއްޖެ އަށް ކަނޑައަޅާފައިވާ ސަފީރު ކެރޮން ރޮސްލާގެ މަގާމު މި އަހަރުގެ ނިޔަލަށް ހަމަވާނެ އެވެ. އާ ސަފީރު މަގާމަގާމުގެ މަސްއޫލިއްޔަތުތައް އަދާކުރަން ފައްޓަވާނީ އަންނަ އަހަރުގެ ޖެނުއަރީން ފެށިގެންނެވެ.