ލާމަރުކަޒީ ނިޒާމު ހަރުދަނާ ކުރަން ސަރުކާރުން ފަށާފައިިވާ މަސައްކަތް ސިޔާސީ ނުކުރަން އިދާރީ ދާއިރާތަކާ ބެހޭ މިނިސްޓަރު އާދަމް ޝަރީފު އުމަރު އެދިވަޑައިގެންފި އެވެ.
ރައްޔިތުންގެ މަޖިލީހުގެ ލާމަރުކަޒީ ކޮމިޓީގެ އިއްޔެ ބައްދަލުވުމުގައި މިނިސްޓަރު ވިދާޅުވީ ލާމަރުކަޒީ ނިޒާމު ސިޔާސީ ކުރުމުގެ ސަބަބުން ނިޒާމަށް ފައިދާއެއްވެފައި ނެތް ކަމަށެވެ. އޭގެ ބަދަލުގައި އެ ނިޒާމު ސިޔާސީ ހަތިޔާރަކަށް ހެދުމުން، އޭގެ ގެއްލުން މުޅި ނިޒާމަށް ފޯރާ ކަމަށް އާދަމް ޝަރީފު ވިދާޅުވި އެވެ.
އެހެންވެ ލާމަރުކަޒީ ނިޒާމު އިޞްލާޙު ކުރުމުގެ މަސައްކަތް ކުރާ މަސައްކަތް ސިޔާސީ ފިކުރާއި ޖަޒުބާތުން އެއްކިބާވެ، ބިނާކުރަނިވި ފާޑުކިޔުންތަކަށް މަގު ދައްކައި ދޭން މިނިސްޓަރު އެދިވަޑައިގަތެވެ.
އާދަމް ޝަރީފު ވިދާޅުވީ ކައުންސިލްތަކަކީ ދައުލަތުގެ މުއައްސަސާއަކަށް ވާއިރު، އެ މުއައްސަސާތަކަށް ދޭން ޖެހޭ އިޙުތިރާމް ދެވޭފަދަ މާޙައުލެއް އުފައްދަން ޖެހޭ ކަމަށެވެ. އަދި ކައުންސިލްތައް ޖަވާބުދާރީ ކުރުވުމަކީ މުހިއްމު ކަމެއް ކަމަށް ވެސް ވިދާޅުވި އެވެ.
ލާމަރުކަޒީ ނިޒާމު ހަރުދަނާ ކުރަން ގެނެވޭ ބަދަލުތައް ގެންނަނީ ރައްޔިތުންނާއި ހިޔާލާއި މަޝްވަރާއާ އެކީގައި ކަމަށް މިނިސްޓަރު ވިދާޅުވި އެވެ. އަދި މިއީ ހެޔޮ ބަދަލުތަކަކަށް ކުރެވޭ މަސައްކަތެއް ކަމަށް ވިދާޅުވި އެވެ.
އެހެންވެ ލާމަރުކަޒީ ނިޒާމު ހަރުދަނާ ކުރުމަށް މަގުޗާޓެއް ވަނީ އެކުލަވާލައިފަ އެވެ.