ފާއިތުވި ނުވަ މަހުގެ ތެރޭގައި 139 މީހަކަށް ކައުންސެލިންގެ ހިދުމަތް ދީފައިވާ ކަމަށް ސޯޝަލް އެންޑް ފެމިލީ މިނިސްޓްރީން ބުނެފި އެވެ.
އެ މިނިސްޓްރީން ބުނީ ކައުންސެލިންއާ އާއި ޕޭރެންޓިން ސައިކޮސޯޝަލް ސަޕޯތު ހިމެނޭހެން ޖުމްލަ 431 ސެޝަންނެއް ފާއިތުވި ނުވަ މަސް ތެރޭގައި ނަގައި ދީފައިވާ ކަމަށެވެ. އޭގެ ތެރޭގައި ކައުސެލިންގެ 275 ސެޝަން ހިމެނޭ އިރު، ކައުންސެލިން ޑިޕާޓްމަންޓުން ނަގައި ސެޝަންތަކުގައި 215 އަންހެން ކްލައިންޓުންނާއި 60 ފިރިހެން ކްލައިންޓުން ހިމެނެ އެވެ.
މީގެ އިތުރުން، ޕޭރެންޓިންގެ 82 ސެޝަނާއި، ސައިކޮސޯޝަލް ސަޕޯޓް ސެޝަންގެ 25 ސެޝަން ވެސް ކުރިއަށް ގެންގޮސްފައިވެ އެވެ. އަދި ގޭގެ އަށް ޒިޔާރަތްކޮށް ސައިކޮސޯޝަލް ސަޕޯޓް ފޯރުކޮށް ދިނުމުގެ 32 ކޭހަކަށް އެޓެންޑްވެފައިވެ އެވެ.
މީގެ ތެރޭގައި އަތޮޅުތެރޭގެ ރަށްތަކުގެ 17 ކޭހެއް ވެސް ހިމެނެ އެވެ.
މިނިސްޓްރީން ބުނީ ސެޝަންސްތައް ނަގައި ދިނުމުގެ އިތުރުން، ފާއިތުވި ނުވަ މަހުގެ ތެރޭގައި ކައުންސެލިން ސެކްޝަނުން 19 ތަމްރީނު ޕްރޮގްރާމެއް ވެސް ހިންގާފައިވާ ކަމަށެވެ.
ސޯޝަލް އެންޑް ފެމިލީ މިނިސްޓްރީގެ މައިގަނޑު މަސައްކަތަކީ އެތަނަށް ރިޕޯޓުކުރެވޭ ކޭސްތަކަށް ނަފްސާނީ އެހީތެރިކަމާއި ސައިކޮސޯޝަލް އެއްބާރުލުން ފޯރުކޮށް ދިނުމެވެ. އަދި ޢާއިލާތަކުގެ ދުޅަހެޔޮކަން ކަށަވަރު ކުރުމަށް ފޯރޮކޮ ށްދޭން ޖެހޭ އެހީތެރިކަން ފޯރުކޮށް ދިނުމެވެ.