ޖޫން މަހުގެ ތެރޭގައި ޝޫޓިން ފެށި ފިލްމު "ސިކަންދަރު" ގައި ސަލްމާން ޚާން ކުޅެނީ ޑަބަލް ރޯލެއް ކަމަށް ރިޕޯޓްތައް ބުނެފި އެވެ.
މި އެކްޝަން ތުރިލާ އަކީ އޭނަގެ ވަރުގަދަ އެކްޝަން ރޯލުތަކެއް، ފިލްމުގައި ކުޅޭ ދެ ކެރެކްޓާ އިން ވެސް ފެންނާނެ ފިލްމެއް ކަމަށް ބޮލީވުޑްގެ ޚަބަރުތައް ގެނެސްދޭ މީޑިއާތަކުން ބުނެ އެވެ. ސަލްމާން މީގެ ކުރިން ވެސް ފިލްމުތަކެއްގައި ޑަބަލް ރޯލު ކުޅުނެވެ. އެއީ 1997 ގެ "ޖުޅުވާ" އާއި 2015 ގެ "ޕްރޭމް ރަތަން ދަން ޕާޔޯ" ގަ އެވެ.
އަންނަ އަހަރުގެ ފިތުރު އީދުގައި ސިނަމާތަކަށް ގެންނަން ތާވަލުކޮށްފައިވާ "ސިކަންދަރު" އަކީ ސާޖިދު ނަދިއަދުވާލާ ޕްރޮޑިއުސްކޮށް، އޭއާރް މުރްގަދޯސް ޑައިރެކްޓްކުރާ ފިލްމެކެވެ. މީގެ ބަތަލާ އަކީ ރަޝްމިކާ މަންދަނާ އެވެ.
ސަލްމާންގެ އެންމެ ފަހުގެ ފިލްމަކީ މިދިޔަ އަހަރުގެ "ޓައިގާ 3" އެވެ.