މުޅި ރާއްޖެ އަށް ވައިޓް އެލާޓް ނެރެފި

ބޯކޮށް ވާރޭ ވެހޭނެ ކަމަށް ލަފާކޮށް މިއަދު މުޅި ރާއްޖެ އަށް ވައިޓް އެލާޓް ނެރެފި އެވެ.

މޫސުމާ ބެހޭ އިދާރާ އިން އެ އެލާޓް ނެރެފައި ވަނީ މެންދުރު 12:00 އިން ފެށިގެން އިރުއޮއްސި 6:00 އާ ހަމައަށެވެ. އެގޮތުން އެ ވަގުތުގެ ތެރޭގައި ބޯކޮށް ވާރޭ ވެހުމާ އެކީ ގުގުރައި ވިލާގަނޑުގައި ގަޑިއަކު 40 މޭލަށް ވައި ގަދަވާނެ ކަމަށް ލަފާކޮށްފައިވެ އެވެ.

މިދިޔަ ހަފުތާގައި ވެސް މުޅި ރާއްޖެ އަށް ބޯކޮށް ވާރޭ ވެހި، ވައި ގަދަވެ، އެކި ހިސާބުތަކުގައި ފެން ބޮޑުވެ، އެކި ވަރުގެ ގެއްލުންތައްވެފައިވެ އެވެ.

އެހެންވެ ކަމާބެހޭ އިދާރާތަކުން އަންނަނީ ދުރާލައި ރައްކާތެރިކަމުގެ ފިޔަވަޅު އަޅަން އިލްތިމާސްކުރަމުންނެވެ.