އައްޑޫ ފޭދޫ ހިއްކި ބިމުގެ މަގުތަކަށް ނަން ކިއުމާ ގުޅޭ ގޮތުން ބައްދަލުވުމެއް ބާއްވަން ހަމަޖެހިއްޖެ އެވެ.
އެ ބައްދަލުވުން އޮންނާނީ މާދަމާ ރޭ 8:30 ގައި ފޭދޫ ސްކޫލްގަ އެވެ. ކައުންސިލުން ބުނީ ރައްޔިތުންނާ އެކީ ބައްދަލުވުމެއް ބާއްވަން ނިންމީ ހިއްކި ބިމުގެ މަގުތަކަށް ކިޔާނެ ނަންތަކާ ގުޅޭ ގޮތުން ރައްޔިތުންގެ ހިޔާލު ހޯދަން ކަމަށެވެ. އެހެންވެ ވީހާ ވެސް ގިނަ ބަޔަކު ބައްދަލުވުމުގައި ބައިވެރިވާން އެދިފައިވެ އެވެ.
ފޭދޫ ވަށައިގެން 50 ހެކްޓަރުގެ ބިން ހިއްކާފައިވެ އެވެ. އެ މަޝްރޫއު ހިންގީ 2016 ގަ އެވެ.
ފޭދޫ އުތުރު ފަރާތު ހިއްކި ބިމުން ދާދި ފަހުން ވަނީ 300 ގޯތި ވެސް ދޫކޮށްފަ އެވެ. އަދި އެ ބިމުގައި 75 ފްލެޓް އިމާރާތް ކުރުމުގެ މަސައްކަތް ވެސް ކުރިއަށްދާ އިރު، ހިއްކި ބިމުގައި އަންނަނީ ގެސްޓްހައުސްތަކެއް ވެސް ހަދަމުންނެވެ. ފޭދޫ ހިއްކި ބިމުގައި ކުޑަކުދިންގެ ޕާކެއް ވެސް ހަދާފައިވެ އެވެ.
ފޭދޫގެ އާ ސްކޫލް ވެސް އިމާރާތް ކުރަން ހަމަޖެހިފައި ވަނީ ހިއްކި ބިމުގަ އެވެ.