ބޮލީވުޑްގެ ޒުވާން ބަތަލާ އަނަންޔާ ޕާންޑޭ ފެޝަނުގެ ދުނިޔޭގެ ނުފޫޒު ގަދަ މީހެއްގެ ރޯލު ކުޅެފައިވާ އަދި އޭނަގެ ޕޮޝް ލައިފްސްޓައިލް ދައްކުުވައިދޭ ސީރީޒް "ކޯލް މީ ބައެ" ގެ ޓްރެއިލާ މިއަދު ދައްކާލައިފި އެވެ.
އަނަންޔާގެ އަލަތު ސީރީޒަކީ ކަރަން ޖޯހަރްގެ ދަރުމާ ޕްރޮޑަކްޝަންގެ، ވެބް ކޮންޓެންޓް ގޮފި، ދަރުމެޓިކް އެންޓަޓައިންމަންޓަށް ކޮލިން ޑި ކަންހާ ޑައިރެކްޓްކޮށްފައިވާ އެއްޗެކެވެ.
މި ސީރީޒަކީ މިދިޔަ އަހަރު ރިލީޒްކުރި ކަރަންގެ ފިލްމު "ރޮކީ އޯރް ރާނީ ކީ ޕްރޭމް ކަހާނީ" ގެ ސްކްރީންޕްލޭގައި ހިއްސާވި އިޝިތާ މޮއިތުރާގެ ސްކްރީންޕްލޭއަކަށް ހަދާފައިވާ އެއްޗެކެވެ.
އަންނަ މަހުގެ 6 ގައި ޕްރީމިއާކުރަން ހަމަޖެހިފައިވާ "ކޯލް މީ ބައެ" ގެ ކާސްޓްގައި ވީރް ދާސް، ވަރޫން ސޫދު އަދި ގުރްފަތޭ ޕިރްޒާދާ، ނިހާރިކާ ލީރާ ދަތު، މިނީ މާތޫރު، މުސްކާން ޖެފްރީ، ވިހާން ސަމަތު އަދި ލީސާ މިޝްރާ ފަދަ ފަންނާނުން ހިމެނެ އެވެ.
މި ސީރީޒްގެ ސްކްރީން ރައިޓަރަކީ މިދިޔަ އަހަރު ރިލީޒްކުރި ކަރަންގެ ފިލްމު "ރޮކީ އޯރް ރާނީ ކީ ޕްރޭމް ކަހާނީ" ގެ ސްކްރީންޕްލޭގައި ހިއްސާވި އިޝިތާ މޮއިތުރާ އެވެ.
އެކްޓަރު ޗަންކީ ޕާންޑޭގެ ދަރިފުޅު އަނަންޔާ، 25، ގެ އެންމެ ފަހުގެ ފިލްމަކީ މިދިޔަ އަހަރުގެ "ކޯ ގަޔޭ ހަމް ކަހާ" އެވެ. އޭނަގެ ކުރިއަށް އޮތް ފިލްމަކީ އޮކްޓޯބަރު 4 ގައި ނެޓްފްލިކްސް އިން ޕްރީމިއާކުރަން ތާވަލުކޮށްފައި އޮތް ތުރިލާ "ކޮންޓްރޯލް" އެވެ.
އަނަންޔާ ބޮލީވުޑަށް ނުކުތީ ދަރުމާގެ 2019 ގެ "ސްޓޫޑެންޓް އޮފް ދި އިޔާ 2" އިންނެވެ.