އާސަންދަ އިން ބަލަމުން އަންނަ މައްސަލައަކާ ގުޅިގެން މާލޭގައި ހިންގަމުން އަންނަ "އީވް ކްލިނިކް" ސަސްޕެންޑްކޮށްފި އެވެ.
ނަމަވެސް އާސަންދަ މެދުވެރިކޮށް ހިދުމަތް ނުދެވޭ ގޮތަށް އެ ކްލިނިކް ސަސްޕެޑްކުރީ ކޮން މައްސަލައަކާ ގުޅިގެން ކަމެއް ހާމަކޮށްފައެެއް ނުވެ އެވެ. އާސަންދަ އިން ބުނީ "އީވް ކްލިނިކް" ސަސްޕެންޑްކުރީ މައްސަލަ ބަލައި ނިމެންދެން ކަމަށެވެ.
އެ ކްލިނިކް ސަސްޕެންޑްކުރީ މި މަހުގެ 12 ގަ އެވެ.
ނުހޯދާ ހިދުމަތަކުން އާސަންދައަށް ބިލް ކުރި މައްސަަލަތަކެއްގައި މީގެ ކުރިން ވެސް ބައެއް ކްލިނިކްތައް ސަސްޕެންޑުކޮށްފައިވެ އެވެ. އެގޮތުން މި އަހަރު ޖެނުއަރީގައި ޔޫރޯ މެޑިކަލް ކެއާ އާއި ޑރ. ފިލް ފާމަސީގެ އިތުރުން ސްޓެމް ސެންޓާ ސަސްޕެންޑުކޮށްފައިވެ އެވެ.