ލޭނު މަސްވެރިކަމަކީ ކަނޑުރޯދިން ނަފާ ހޯދުމުގެ މުހިއްމު މަސައްކަތެއް ކަމަށް ފިޝަރީޒް މިނިސްޓަރު އަޙުމަދު ޝިޔާމް ވިދާޅުވެއްޖެއެެވެ.
މިއަދު ބޭއްވި ނޫސްވެރިންގެ ބައްދަލުވުމެއްގައި މިނިސްޓަރު ވިދާޅުވީ މަސްވެރިކަމުގެ ދާއިރާއިގެ ތެރެއިން ރާއްޖޭގެ އިގުތިސާދު ފުޅާކޮށް، އެކަމުން ލިބޭ ނަފާ އިތުރުކުރުމަކީ ސަރުކާރުގެ ވަރަށް ބޮޑު އަމާޒެއް ކަމަށެވެ. އެގޮތުން ލޭނު މަސްވެރިކަން ކުރުމަށް އަލުން ހުޅުވާލުމަށް ކެބިނެޓުން ން ނިންމަވާފައިވާތީ، އެކަމާ ގުޅިގެން ކުރަން ޖެހޭ މަސައްކަތްތައް މިހާރު ކުރަމުން އަންނަ ވިދާޅުވި އެވެ.
"އެކަމާ ގުޅޭ ގަވާއިދުގެ ޑްރާފްޓެއް އެކުލަވާލެވިފައި މިހާރު އޮތީ. އެ ޑްރާފްޓް އެކުލަވާލީ ކަމާ ގުޅުންހުރި ފަރާތްތަކުގެ މަޝްވަރާ ހޯދައިގެން،" ޝިޔާމު ވިދާޅުވި އެވެ. ގަވާއިދަށް ހިޔާލު ހޯދުމަށް ވެސް ހުޅުވާލެވުނު." ވަޒީރު ވިދާޅުވިއެވެ.
އޭނަ ވިދާޅުވީ ރާއްޖޭގެ އިގުތިސާދީ ޙާލަތު މިހާރު އޮތް ގޮތުން ވެސް ލޭނު މަސްވެރިކަމަށް ހުޅުވާލުން ވަރަށް މުހިއްމު ކަމަށެވެ. އަދި މިއީ އާމްދަނީ އިތުރުކޮށް، މަސްވެރިކަން ސިންދަފާތުކުރުމަށް ކުރެވޭނެ ވަރަށް މުހިއްމު މަސައްކަތެއް ކަމަށް ވިދާޅުވިއެވެ.
ޝިޔާމު ވިދާޚުވީ ސަރުކާރުން މަސައްކަތް ކުރަނީ ލޭނު މަސްވެރިކަމާ ގުޅޭ ހުރިހާ އިޖުރަޢާތުތަކެއް ފުރިހަމަކުރުމަށް ފަހު، ވީހާވެސް އަވަހަކަށް ލޭނު މަސްވެރިކަމަށް ހުޅުވައިލުމަށެވެ.