ސަލްމާން ޚާންގެ އާއިލާ އިން އަނެއްކާ ވެސް އާ ފަންނާނަކު ނުކުންނަން ތައްޔާރުވެއްޖެ އެވެ.
މި ފަހަރު އެ އެ އާއިލާ އިން އެކްޓިން އާއި ރެޕްގެ ހުނަރު ދައްކައިލަން ނުކުންނަނީ އަޔާން އަގްނިހޯތުރީ އަގްނީ) އެވެ. އުމުރުން މިހާރު 26 އަހަރުގެ އަގްނީ ސަލްމާންގެ ކޮއްކޮ އަލްވިރާ ޚާނާއި ކުރީގެ އެކްޓަރު އަދި މިހާރުގެ ޕްރޮޑިއުސަރު އަތުލް އަގްނިހޯތުރީގެ ދޮށީ ދަރިފުޅެވެ.
އަގްނީ ކެރިއަރު ފަށައި ގަންނަނީ ސަލްމާންގެ އަޑުން ކިޔައި، އޭނަގެ އެސްކޭ ފިލްމްސް އިން ޕްރޮޑިއުސްކޮށް ނެރޭ ވީޑިއޯ ލަވަ "ޔޫ އާ މައިން" އިިންނެވެ. އެގޮތުން ލަވައިގެ ޕޯސްޓަރެއް މިއަދު ސޯޝަލް މީޑިއާގައި ހިއްސާކޮށް، ސަލްމާން ބުނީ މާދަމާ އެ ލަވައިގެ ޓީޒާ ވެސް އާންމު ކުރާނެ ކަމަށެވެ.
ޕޯސްޓަރުގައި ހިމަނާފައި ވަނީ ސަލްމާނާއި އަގްނީ އެވެ.
"ޔޫ އާ މައިން" މި ލަވައިގެ ޅެމުގައި ވެސް ސަލްމާން ހިއްސާވެފައިވާ އިރު، ލަވައިގެ މިއުޒިކް ހެދީ ވިޝާލް މިޝްރާ އެވެ. އަދި މި ލަވައިގެ ރެޕް ކަޑިތައް ކިޔާފައި ވަނީ އަގްނީ އެވެ.
އޭނަގެ ހުނަރު އާންމުންނަށް ދައްކައިލަން ތައްޔާރުވާ އިރު، އަގްނީގެ ކޮއްކޮ އަލިޒޭ އަގްނިހޯތުރީ، 23، ބޮލީވުޑަށް ތައާރަފުވީ މިދިޔަ އަހަރު ރިލީޒްކުރި "ފަރޭ" އިންނެވެ. އެ ފިލްމު އޭނަ އަށް ފިލްމުފެއާގެ މޮޅު އާ ބަތަލާގެ އެވޯޑް ވެސް މި އަހަރު ލިބުނެވެ.