އިތުރު ދެ ރަށެއްގައި ޕޮލިސް ޕޯސްޓު ހުޅުވައި، ފުލުހުންގެ ހިދުމަތްދޭން ފަށައިފި އެވެ.
އިއްޔެ ޕޮލިސް ޕޯސްޓް ހުޅުވި ދެ ރަށަކީ އއ. ބޮޑުފޮޅުދު އާއި އދ. މަންދެ އެވެ. އެ ދެ ރަށުގައި ވެސް ޕޮލިސް ޕޯސްޓް ހުޅުވައި ދެއްވީ ޕޮލިސް ކޮމިޝަނަރު އަލީ ޝުޖާއު އެވެ.
ފުލުހުން ބުނީ އަމާޒަކީ ލާމަރުކަޒީކޮށް ރައްޔިތުންނާ ގާތުން ފުލުހުންގެ ޚިދުމަތް ދިނުމަށް ކަމަށާއި ރަށްރަށުގައި އަވައްޓެރި ފުލުހުންގެ ޚިދުމަތް ގާއިމުކޮށް އަދި ފުލުހުންގެ ޚިދުމަތް މިހާތަނަށް ގާއިމުވެފައި ނުވާ ރަށްރަށުގައި ފުލުހުންގެ ޚިދުމަތް ގާއިމުކުރުމުގެ މަސައްކަތް މެދުކެނޑުމެއް ނެތި ކުރަމުން އަންނަ ކަމަށެވެ.
އިތުރު ދެ ރަށެއްގައި ޕޮލިސް ޕޯސްޓް ހުޅުވި އިރު، ސަރުކާރުގެ ފުރަތަމަ 100 ދުވަހުގެ ތެރޭގައި 19 ރަށެއްގައި ޕޮލިސްޓް ޕޯސްޓް ހުޅުވާލައިފި އެވެ.