ބަތަލާ ރާނީ މުރަޖީ ފުލުހެއްގެ ރޯލު ކުޅޭ "މަރުދާނީ" ފްރެންޗައިޒްގެ ތިން ވަނަ ބައެއް ވެސް ގެނެސްދޭނެކަން އެ ފިލްމު ޕްރޮޑިއުސްކުރާ ޔާޝްރާޖް ފިލްމްސް (ވައިއާރްއެފް) އިން މިއަދު ކަށަވަރުކޮށް ދީފި އެވެ.
ދެހާސް ސާދައިގައި ގެނެސްދިން "މަރުދާނީ" ރިލީޒްކުރިތާ މިއަދަށް 10 އަހަރުވުމާ ގުޅިގެން އެ ސްޓޫޑިއޯ އިން ސޯޝަލް މީޑިއާގައި އާންމުކުރި ޕޯސްޓެއްގައި ބުނީ ރާނީގެ ޖެހިލުން ކުޑަ ފުލުސް ކެރެކްޓާ، ޝިވާނީ ޝިވާޖީ ރޯއިގެ ކެރެކްޓާ އިން އިންސްޕިރޭޝަން ލިބިއްޖެ ކަމަށާއި ކުރިއަށް އޮތީ ތިން ވަނަ ބާބު ކަމަށެވެ.
ނަމަވެސް "މަރުދާނީ 3" އާ ބެހޭ އިތުރު ތަފުސީލެއް ނުދެ އެވެ.
"މަރުދާނީ" އަކީ މިދިޔަ އަހަރު މަރުވި ޕްރަދީޕް ސަރުކާރު ޑައިރެކްޓްކުރި ފިލްމެކެވެ. އަދި 2019 ގެ "މަރުދާނީ 2" އަކީ ގޯޕީ ޕުތުރާން ލިޔެ، ޑައިރެކްޓްކުރި ފިލްމެކެވ. މި ދެ ފިލްމު ވެސް ވަރަށް ކާމިޔާބެވެ.
ވައިއާރްއެފްގެ ވެރިޔާ އަދިދިޔާ ޗޯޕްޅާގެ އަންހެނުން، ރާނީގެ އެންމެ ފަހު ފިލްމަކީ މިދިޔަ އަހަރު "މިސިޒް ޗެޓަޖީ ވާސަސް ނޯވޭ" އެވެ.