ރައްޔިތުންގެ މަޖިލީހުގެ ފުރަތަމަ ދައުރުގެ ޖަލްސާތަކަށް ފަހު، މެމްބަރުން އެއް މަސް ދުވަހުގެ ޗުއްޓީ އަކަށް މިރޭ ވަޑައިގެންފި އެވެ.
މަޖިލިސް މެންބަރުންގެ ޗުއްޓީ އޮކްޓޫބަރު މަހުގެ ފުރަތަމަ ދުވަހުގެ ނިޔަލަށް ދެމިގެންދާއިރު، މަޖިލީހުގެ ޖަލްސާއެއް ދެން އޮންނާނީ އޮކްޓޫބަރު މަހުގެ ފުރަތަމަ ހޯމަ ނުވަތަ ބުރާސްފަތި ދުވަހު އެވެ.
މިރޭގެ ޖަލްސާ ނިންމާލަމުން ޖަލްސާގެ ރިޔާސަތުގައި އިންނެވި މަޖިލީހުގެ ނައިބު ރައީސް އަހުމަދު ނާޒިމް ވަނީ ފުރަތަމަ ދައުރުގައި މަޖިލީހަށް ހުށަހެޅުނު މަސައްކަތްތަކުން 82.9 އިންސައްތަ މަސައްކަތް ނިންމާފައިވާ ކަމަށް ވިދާޅުވެފަ އެވެ.
މަޖިލިސް މެމްބަރުން އެއް މަސް ދުވަހުގެ ޗުއްޓީއަކަށް ދިޔަ ނަމަވެސް ދައުރުން ބޭރުގައި ދެ ޖަލްސާއެއް ބާއްވާނެކަން ވެސް ނާޒިމް އިއުލާންކުރެއްވި އެވެ. އެއީ ޕްރޮސެކިއުޓާ ޖެނެރަލްގެ މަގާމަށް ބޭފުޅަކު އައްޔަން ކުރުމާ ގުޅޭ ޖަލްސާތަކެއް ކަމަށް ނާޒިމް ވިދާޅުވި އެވެ.