ހުޅުމާލެ ދެވަނަ ފިޔަވަހީގައި އުރީދޫގެ އެކްސްޕީރިއަންސް ސެންޓަރެއް ހުޅުވައިފި އެވެ.
އުރީދޫން އެ ކުންފުނީގެ އެހެން އެކްސްޕީރިއަންސް ސެންޓަރުތަކުން ވެސް ލިބޭ ހުރިހާ ހިދުމަތްތަކާއި އެހީތެރިކަން ފޭސް ދޭއްގެ ސެންޓަރުން ވެސް ލިބޭނެ ކަމަށެވެ. އެގޮތުން ސިމްކާޑު ރަޖިސްޓްރީ ކުރުމާއި ބިލަށް ފައިސާ ދެއްކުމާއި ޑިވައިސްތައް ގަތުމާއި ޕާސަނަލައިޒްޑް ކަސްޓަމާ ސަޕޯޓް ފަދަ ހިދުމަތްތައް ލިބޭނެ އެވެ.
އާ ސެންޓަރު ހުޅުވީ ވިނަރެސް ވީ6-ޖީ-03 ގަ އެވެ.
އުރީދޫން ބުނީ އެ ސެންޓަރަކީ އިން-ޕާސަން ހިދުމަތް ދިނުމުގެ އިތުރުން އުރީދޫގެ ޑިޖިޓަލް ޕްލެޓްފޯމްތައް ބޭނުންކުރުމަށް ކަސްޓަމަރުންނަށް އިރުޝާދު ދީ، އެމް-ފައިސާ މޮބައިލް ޕޭމަންޓް، އުރީދޫ އެޕް ބޭނުންކުރާނެގޮތް ކަސްޓަމަރުންނަށް ކިޔައިދޭނެ ތަނެއް ކަމަށެވެ.
ދެވަނަ ފިޔަވަހީގެ އުރީދޫ އެކްސްޕީރިއަންސް ސެންޓަރު ހުޅުވާފައި ހުންނާނީ ހޮނިހިރު ދުވަހުން ފެށިގެން ބުރާސްފަތި ދުވަހަށް ހެނދުނު 9:00-12:00 އަށް އަދި މެންދުރު ފަހު 1:00 އިން ހަވީރު 4:00 އަށެވެ.