ގްލޯބަލް ޕާޓްނަޝިޕް ފޯ އެޑިއުކޭޝަންގެ ފަރާތުން ރާއްޖޭގެ ތައުލީމީ ދާއިރާ އަށް ދޭ 9.5 މިލިއަން އެމެރިކާ ޑޮލަރުގެ ހިލޭ އެހީގެ ދަށުން ފެށި، އެޑިއުކޭޝަން ޓްރާންސްފޮމޭޝަން އިނީޝިއޭޓިވްސް ނުވަތަ ތައިބާ ޕްރޮޖެކްޓް އިފުތިތާހުކޮށްފި އެވެ.
އިއްޔެ ބޭއްވި ރަސްމިއްޔާތުގައި އެ ޕްރޮޖެކްޓް އިފްތިތާހުކޮށް ދެއްވީ ނައިބު ރައީސް ޙުސައިން މުޙައްމަދު ލަޠީފާއި އެޑިއުކޭޝަން މިނިސްޓަރު ޑރ. އިސްމާއީލް ޝަފީގެވެ.
އެ ރަސްމިއްޔާތުގައި ޕްރޮޖެކްޓާ ގުޅޭ ވެބްސައިޓް ވެސް ލޯންޗްކޮށްފައިވެ އެވެ.
މިނިސްޓަރު ވިދާޅުވީ "އެޑިއުކޭޝަން ޓްރާންސްފޮމޭޝަން އިނީޝިއޭޓިވްސް" ގެ ދަށުން، ތަޢުލީމީ ދާއިރާގައި ހުރި މައްސަލަތަކަށް ފުރިހަމަ ޙައްލެއް ލިބޭނެ ކަމަށް ގަބޫލު ކުރައްވާ ކަމަށެވެ. އެގޮތުން އެ ހިލޭ އެހީގެ ދަށުން ތަފާތު ތިން ގްރާންޓެއް ދީފައިވާ ކަމަށް ވިދާޅުވިއެވެ. އޭގެ ތެރޭގައި ހިމެނޭ 9.5 މިލިޔަން ޑޮލަރު ހޭދަކުރާނީ ތައުލީމީ ދާއިރާއަށެވެ.
އެގޮތުން ތަޢުލީމަށް އިންގިލާބީ ބަދަލުތަކެއް ގެނައުމުގެ މަސައްކަތްކުރާނެ ކަމަށް މިނިސްޓަރު ވިދާޅުވިއެވެ.
މަލްޓިޕްލަޔަ ގްރާންޓްގެ ޖުމްލަ ފައިސާގެ އަދަދަކީ 3 މިއަޔަން ޑޮލަރެވެ. ކަމަށާއި މި އެހީގެ ދަށުން ސްކޫލުތައް ޤާއިމުކުރުމުގެ އިތުުރުން، ތަޢުލީމީ ދާއިރާ ހިންގުމުގެ ހުނަރުވެރިން އުފެއްދުމަށް މަސައްކަތްތައް ކުރާނެ އެވެ. އަދި ފައިނޭންސިން ހަރުދަނާކުރުމާއި، ތަޢުލީމީ ދާއިރާއަށް ބޭނުންވާ މުދައްރިސުން ތަމްރީނުކުރުމަށް އެހީގެ ދަށުން ހޭދަކުރާނެ އެވެ.