މޯލްޑިވްސް އިސްލާމިކް ބޭންކް އެމްއައިބީ) އާއި ގިޔާސުއްދީން އިންޓަނޭޝަނަލް ސްކޫލާ ދެމެދު އެކި ދާއިރާއިން އެއްބާރުލުން ދޭން އެއްބަސްވުމެއްގައި ސޮއިކޮށްފި އެވެ.
އެއްބަސްވުމުގައި ބޭންކްގެ ފަރާތުން ސޮއިކުރެއްވީ އެމްއައިބީގެ ސީއީއޯ މުފައްދަލް އިދުރީސް އެވެ. ގިޔާސުއްދީންގެ ފަރާތުން ސޮއިކުރެއްވީ އެ ސްކޫލްގެ ޕްރިންސިޕަލް ތޯހާ ސަލީމެ.
އެއްބަސްވުމާ ގުޅޭ ގޮތުން އެމްއައިބީން ބުނީ މީގެ ދަށުން ދެވޭ އާއިލާ ކާޑަކީ ބެލެނިވެރިންނަށް ކޮންޓްރޯލް ކުރެވޭ ވަކި ލިމިޓްތަކެއްގެ ދަށުން ބޭނުން ކުރެވޭ ކާޑެއް ކަމަށެވެ. އަދި އެ ކާޑުގެ ސަބަބުން ނަގުދު ފައިސާ ބޭނުން ކުރުމުގެ ބަދަލުގައި ދަރިވަރުންނަށް ޒިންމާދާރުކަމާއެކު ކާޑު ފަދަ ޒަމާނީ އާލާތްތައް ބޭނުން ކުރަން އާދަވާނެ ކަމަށް ބުންޏެވެ.
މީގެ އިތުރުން މާލީ ޒިންމާ އަދާކުރަން އިތުރު ކުރަން ދަރިވަރުން އަހުލުވެރި ކުރުމުގެ ގޮތުން ވެސް މަސައްކަތް ކުރާނެ ކަމަށް އެމްއައިބީން ބުންޏެވެ.