ނޮވެމްބަރު މަހު ބާއްވަން ހަމަޖެހިފައިވާ އެމެރިކާގެ ރިޔާސީ އިންތިހާބުގައި އަމިއްލަ ގޮތުން ވާދަކުރައްވަން ކެމްޕޭން ކުރައްވަމުން ގެންދެވި ރޮބަޓް އެފް ކެނެޑީ ޖޫނިއާ، އިންތިހާބުގައި ވާދަނުކުރަން ނިންމަވައި، ރިޕަބްލިކަން ޕާޓީގެ ކެންޑިޑޭޓް ޑޮނަލްޑް ޓްރަމްޕް ށް އެންޑޯސްކުރައްވައިފި އެވެ.
އޭނަ މިކަން އިއުލާން ކުރެއްވި އަރިޒޯނާގައި ޓްރަމްޕް އިއްޔެ ކުރިއަށް ގެންދެވި ކެމްޕޭން ރެލީއެއްގަ އެވެ. އެ އިވެންޓްގައި އާރްއެފް ކެނެޑީ ވިދާޅުވީ އިންތިހާބު ޓްރަމްޕަށް ކާމިޔާބުކޮށް ދެއްވުމުގައި ހުރިހާ އެހީތެރިކަމަކާއި އެއްބާރުލުމެއް އޮންނާނެ ކަމަށެވެ. އާރްއެފް ކެނެޑީ، 70، އަކީ ވަރަށް ގިނަ ދުވަސްތަކެއް ވަންދެން ޑިމޮކްރެޓިކް ޕާޓީގެ މެންބަރެކެވެ
އޭނަ އަކީ އެމެރިކާގެ 35 ވަނަ ރައީސް އަދި މަގާމުގައި ހުންނަވަނިކޮށް 1963 ގައި އަވަހާރަކުރި ރައީސް ޖޯން އެފް ކެނެޑީގެ އާއިލާ އަށް ނިސްބަތްވާ ބޭފުޅެކެވެ.
އާރްއެފް ކެނެޑީ ޖޫނިއާގެ ތާއީދު ލިބިވަޑައިގަތުމާ ގުޅިގެން ޓްރަމްޕް ވިދާޅުވީ އޭނަ ކެމްޕޭނާ ގުޅިވަޑައިގަތުމަކީ ލިބިވަޑައިގަތް ކާމިޔާބީއެއް ކަމަށާއި މި އިންތިހާބު ކާމިޔާބު ކުރަން ލިބުނު އިތުރު ބާރެއް ކަމަށެވެ.
ޑިމޮކްރެޓިކް ޕާޓީގެ ފަރާތުން އިންތިހާބުގައި ވާދަކުރައްވަނީ މިހާރުގެ ނައިބު ރައީސް ކަމާލާ ހެރިސް އެވެ.