މާލޭ އާސަހަރާގެ މަސައްކަތް ސެޕްޓެންބަރު މަހުތެރޭ ނިންމާލެވޭނެ ކަމަށް މާލެސިޓީ މޭޔަރު އާދަމް އާޒިމް ވިދާޅުވެއްޖެއެވެ.
އާޒިމް އެކްސްގައި ކުރެއްވި ޕޯސްޓެއްގައި ވިދާޅުވީ އާސަހަރާގެ މަސައްކަތް ސެޕްޓެންބަރު ތެރޭ ނިންމާލެވޭނެ ކަމަށާއި މިސްކިތުގެ މަސައްކަތް ނިމޭއިރު 3,200 އަކަފޫޓު މިސްކިތަށް އިތުރު ކުރެވޭނެ ކަމަށެވެ.
މި މަސައްކަތް ނިމޭއިރު ނުކުޅެދުންތެރިކަން ހުންނަ ފަރާތްތަކަށް ހާއްސަ ފާހަނާއަކާއި, އަންހެން ބޭފުޅުންނަށް ހާއްސަ ފާހާނައަކާއި، ވުޟޫ ކުރާބަޔެއް އަދި ނަމާދު ކުރާ ބައެއްގެ އިތުރުން، ޖަނާޒާތަކަށް ވަޑައިގެންނަވާ ބޭފުޅުން މަޑުކޮށްލެވޭނެ، ހާއްސަ ސަރަހައްދެއް ތަރައްގީ ކުރެވޭނެ ކަމަށް އާޒިމް ވިދާޅުވިއެވެ.
އާސަހަރާގެ މަސައްކަތް ސެޕްޓެންބަރު ތެރޭ ﷲ ގެ ހެޔޮރަހުމަތުން ނިންމާލެވޭނެ. ، މިސްކިތުގެ މަސައްކަތް ނިމޭއިރު 3,200 އަކަފޫޓު މިސްކިތަށް އިތުރު ކުރެވޭނެ، ނުކުޅެދުންތެރިކަން ހުންނަ ފަރާތްތަކަށް ހާއްސަ ފާހަނާއަކާއި, އަންހެން ބޭފުޅުންނަށް ހާއްސަ ފާހާނައަކާއި، ވުލޫކުރާބަޔެއް… pic.twitter.com/EZ7f6XF2cG
— Mayor of Male’ City – Adam Azim (@adamazim) August 24, 2024
މާލޭގެ އާސަހަރާގެ މަސައްކަތް ނިންމުމަށް ހައިމަން ކޮންސްޓްރަކްޝަން ޕްރައިވެޓް ލިމިޓެޑާ ހަވާލު ކޮށްފައިވަނީ 60 ދުވަހުގެ ތެރޭގައި އެ މަސައްކަތް ނިންމާގޮތަށެވެ.
އާސަހަރާ ތަރައްގީ ކުރަނީ ދެ ފަންގިފިލާއަށެވެ.