އިންސްޓަގްރާމްގައި އެންމެ ގިނަ މީހުން ފޮލޯކުރާ އިންޑިއާގެ ސެލެބްރިޓީގެ މަގާމު ބަތަލާ ޝްރަދާ ކަޕޫރަށް ލިބިއްޖެ އެވެ.
އޭނަގެ ފޮލޯވަރުންގެ އަދަދު މިހާރު 91.9 މިލިއަނަށް އަރަ އެވެ. ޝްރަދާގެ މި ކާމިޔާބީ އަށް ބަލާ އިރު، މިއީ ބޮލީީވުޑްގެ އެންމެ ނުފޫޒު އެކްޓަރުންގެ ފޮލޯވަރުންގެ އަދަދާ ބަލާ އިރު، ގާތްކުރަން އަދި ގިނަ ވަގުތުތަކެއް ނަގާނެ އަދަދެކެވެ.
މިހާތަނަށް އިންސްޓަގްރާމްގައި އެންމެ ގިނަ ބަޔަކު ފޮލޯކުރާ އިންޑިއާގެ ފިލްމީ ތަރިއަކީ އަކީ ބަތަލާ ޕްރިޔަންކާ ޗޯޕްޅާ އެވެ. ނަމަވެސް ޝްރަދާ މި ވަނީ އޭނަ ވެސް ފަހަތަށް ޖައްސާލައިފަ އެވެ. މިހާރު ހޮލީވުޑްގައި މަސައްކަތް ކުރަމުން އަންނަ ބަތަލާގެ ފޮލޯވަރުންގެ އަދަދަކީ 91.8 މިލިއަނެވެ.
އިންޑިއާގެ ސެލެބްރިޓީންގެ ތެރެއިން އިންސްޓަގްރާމްގައި އެންމެ ފޮލޯވަރުންގެ ގިނަ މީހަކީ ކްރިކެޓް ތަރި ވިރާޓް ކޯލީ އެވެ. ބަތަލާ އަނުޝްކާ ޝަރުމާ ޝަރުމާގެ ފިރިމީހާގެ ފޮލޯވަރުންގެ އަދަދު 270 މިލިއަނަށް އަރަ އެވެ.
މަޝްހޫރު އެކްޓަރު ޝަކްތީ ކަޕޫރްގެ ދަރިފުޅު، ޝްރަދާ އަށް އިންސްޓްގަރާމްގެ އިންޑިއާގެ ރަނިކަން ލިބުނު އިރު، އޭނަގެ އެންމެ ފަހިގެ ފިލްމު "އިސްތިރީ 2" ވެސް އަންނަނީ ބޮކްސް އޮފީހުގައި ރަނިކަން ކުރަމުންނެވެ. މި މަހުގެ 15 ގައި ރިލީޒްކުރި މި ހޮރޯ-ކޮމެޑީ އަށް އިއްޔެއާ ހަމައަށް ޖުމްލަ 456.28 ކްރޯޑް ރުޕީސް (54.5 މިލިއަން ޑޮލަރު) ލިބިފައިވެ އެވެ.
"އިސްތިރީ 2" ހަދާފައި ވަނީ އެންމެ 50 ކްރޯޑް ރުޕީސް (6 މިލިއަން ޑޮލަރު) ގެ ބަޖެޓަކުންނެވެ.