ޕަބްލިކް ސާވިސް މީޑިއާ (ޕީއެސްއެމް) ގެ މެނޭޖިން ޑިރެކްޓަރު ކަމަށް މުހައްމަދު ސައީދު އައްޔަނު ކުރައްވައިފި އެވެ.
ސައީދު އެ މަގާމަށް އައްޔަން ކުރައްވާފައިވަނީ އެ މަގާމުގައި ކުރިން ހުންނެވި ޒީނާ ޒާހިރު، އިއްޔެ އިސްތިއުފާ ދެއްވުމާ ގުޅިގެންނެވެ. ޒީނާ އިސްތިއުފާ ދެއްވި ސަބަބެއް ހާމަކޮށްފައެއް ނުވެ އެވެ.
ޒީނާ އިސްތިއުފާ ދެއްވުމުން އެ މަގާމަށް ޕްރައިވެޓައިޒޭޝަން ބޯޑުން މިހާރު ވަނީ ސައީދު އައްޔަންކުރައްވާފަ އެވެ.
ސައީދަކީ 1989 ވަނަ އަހަރުން ފެށިގެން ދައުލަތަށް ހިދުމަތް ކުރަށްވަމުން އަންނަ ބޭފުޅެކެވެ. އެގޮތުން ސައީދު ވަނީ މީގެކުރިން އެޑިއުކޭޝަން މިނިސްޓްރީގެ ޕާމަނަންޓް ސެކްޓްރީ ކަމާއި ޑިރެކްޓާ ޖެނެރަލްގެ މަގާމު ވެސް ފުރުއްވާފަ އެވެ.