އާންމު ސިއްހަތަށް ނުރައްކާވާ ގޮތަށް ހުންނަ ތަންތަނާއި ރައްކާތެރި ނޫން ގޮތަށް ކާނާ ތައްޔާރުކުރާ މައްސަލަތައް ރިޕޯޓްކުރަން ދެ ނަމްބަރެއް ހާއްސަކޮށްފި އެވެ.
އެގޮތުން އާންމު ސިއްހަތާ ގުޅޭ ޝަކުވާ ހުށަހެޅުމަށް ހާއްސަކުރި ނަމްބަރަކީ 7960121 އެވެ. އަދި ކަބޯތަކެތީގެ ރައްކާތެރިކަމާ ގުޅޭ މައްސަލަތައް ރިޕޯޓްކުރަން ހާއްސަކުރި ނަމްބަރަކީ 7603204 އެވެ.
ހެލްތު މިނިސްޓަރު ޑރ. އަބްދުﷲ ހަލީލު ވިދާޅުވީ އެ ނަމްބަރުތަކަށް ފޮޓޯ އާއި ވީޑިއޯ މެދުވެރިކޮށް ވެސް މައްސަލަތައް ރިޕޯޓް ކުރެވޭނެ ކަމަށެވެ.
އާންމު ސިއްހަތަަށް ނުރައްކާވާ ގޮތަށް ކުރާ ކަންކަން ރިޕޯޓްކުރެވޭނެ ދެ ނަމްބަރެއް ހާއްސަކުރި އިރު، ނުތާހަރުކޮށް ކާތަކެތި ތައްޔާރުކޮށް ވިއްކާ މައްސަލަތައް މި ފަހުން ވަރަށް ބޮޑަށް އާންމު، މިކަމުގެ ކަންބޮޑުވުންތައް އިންތިހާ އަށް އިތުރުވެފައިވެ އެވެ. އެގޮތުން މިފަދަ ކަންކަމުގައި ބޮޑަށް ޝާމިލުވަނީ ބިދޭސީންކަމް ފާހަގަކުރެވެ އެވެ.