މި މަހުގެ ފަހުކޮޅު އޮލިިމްޕަހުގައި ޕްރީމިއާ ކުރަން ހަމަޖެހިފައިވާ ފިލްމު "ކަމަނާ" ގިނަ ރަށްރަށުގައި ވެސް އަޅުވާ ގޮތަށް ހަމަޖެހިއްޖެ އެވެ.
ފިލްމުގެ ޓީމުން މިހާރު ވެސް ވަނީ އަޅުވަން މިހާރު ޕްލޭން ކުރެވިފައި ހުރި ރަށްތަކާއި ތާރީހުތައް ވެސް އިއުލާން ކޮށްފަ އެވެ. އޭގެ ތެރޭގައި ފ. ނިލަންދޫ، ކުޅުދުއްފުށި، ޅ. ހިންނަވަރު، ބ. ކަމަދޫ، ރ. މާކުރަތު، ރ. ދުވާފަރު، ގއ. ވިލިނގިލި، އއ. ދަނގެތި، ގއ. ގެނަމަފުށި، ގއ. ކަނޑުހުޅުދޫ، ރ. ރަސްމާދޫ، ބ. ތުޅާދޫ، ނ. މަނަދޫ، ކ. ހުރާ، ރ. އުނގޫފާރު، ތ. ތިމަރަފުށި، މ. މުލައް، ބ. އޭދަފުށި، ތ. ކިނބިދޫ އަދި ތ. ވޭމަންޑޫ ހިމެނެ އެވެ.
"ކަމަނާ" އޮލިމްޕަހުގައި ޕްރީމިއާކުރަން ހަމަޖެހިފައި ވަނީ މި މަހުގެ 27 ގެ ރޭގަ އެވެ.
ފިލްމު އަޅުވަން ބޭނުންވާ ރަށްރަށުން، މި އުފައްދާފައިވާ ސެޓާން ސްޓޫޑިއޯއާ ގުޅިގެން ފިލްމު ރަށްރަށުގައި އެޅުވުމުގެ ފުރުސަތު އޮތީ ހުޅުވާލެވިފަ އެެވެ.
"ކަމަނާ" އަކީ މަހުދީ އަހުމަދުގެ ސްކްރީންޕްލޭއަކަށް ހުސައިން މުނައްވަރު ޑައިރެކްޓްކޮށްފައިވާ ފިލްމެކެވެ. މީގެ ލީޑް ތަރިންނަކީ ޔޫސުފް ޝަފީއު (ޔޫއްޕެ) އާއި މަރިޔަމް އައްޒަގެ އިތުރުން އައިމިނަތު ރަޝްފާ (އާޝާ) އެވެ.