ޕާކިސްތާންގެ ބީކަންހައުސް ނެޝަނަލް ޔުނިވަސިޓީ ލިބިފައިވާ ދެ ސްކޮލަޝިޕް ފުރުސަތަކަށް ކުރިމަތިލާން ހަޔަ އެޑިއުކޭޝަން މިނިސްޓްރީން ހުޅުވާލައިފި އެވެ.
މިއީ ބެޗްލާސް ޑިގްރީ އަށް ކިޔެވުމުގެ ދެ ފުރުސަތެވެ. އަދި ކޯހުގެ ދާއިރާތަކުގެ ތެރޭގައި ހިމެނެނީ އޮނާސް އިންޓަޑިސިޕިލިނަރީ އެސްކްޕެންޑެޑް ޑިޒައިން އެންޑް އާރޓްސް އާއި ބީއެފްއޭ ވިޝުއަލް އާޓްސް އަދި ބީޑެސް ވިޝުއަލް ކޮމިއުނިކޭޝަން ޑިޒައިން އާއި ބީޑެސް ޓެކްސްޓައިލް، ފެޝަން އެންޑް އެކްސަސޮރީ ޑިޒައިން ވިތް ސްޕެޝިއަލައިޒޭޝަނެވެ.
މި ސްކޮލަޝިޕްތަކަށް ކުރިމަތިލުމުގެ ޝަރުތުތަކަކީ އޯ ލެވެލް ނުވަތަ އައިޖީސީއެސ.ސީ ނުވަތަ އެސްއެސްސީ އިމްތިޙާނުގެ ފަސް މާއްދާއިން 'ސީ' އިން ފެށިގެން މަތީ ގްރޭޑެއް ހާސިލުކޮށްފައިވުމާއި އޭ ލެވެލްގައި ތިން މާއްދާއިން "އީ" އިން ފެށިގެން މަތީ ގްރޭޑެއް ހާސިލުކޮށްފައިވުމެވެ.
ސްކޮލަޝިޕްތަކަށް ކުރިމަތިލުމުގެ ސުންގަޑި އަކީ އަންނަ ބުދަ ދުވަހުގެ މެންދުރު ފަހު 1:30 އެވެ. އެޕްލިކޭޝަން ހުށަހަޅާނީ https://myedu.egov.mv ޕޯޓަލް މެދުވެރިކޮށެވެ. އިތުރު މަޢުލޫމާތު މިނިސްޓްރީގެ ވެބްސައިޓް www.mohe.gov.mv އިންނާއި އަދި 1474 ނަންބަރު ފޯނުން ލިބޭނެ އެވެ.