ޑިވެލްޕްމަންޓް ބޭންކް އޮފް މޯލްޑިވްސްއާ އެކީ ރާއްޖެ ވާނީ އިންވެސްޓަރުންނަށް ވިޔަފާރި ފުޅާކުރަން ލިބޭ ހަބަކަށް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
އެ ބޭންކަށް އަޔްޔަންކުރި ސީއީއޯ އާއި ޗެއާމަނާއި ބައްދަލުރެއްވުމުގެ ކުރިން ސޯޝަލް މީޑިއާ މެސެޖެއްގފައި ރައީސް މިއަދު ވިދާޅުވީ ރާއްޖޭގައި އަލަށް އުފަންވި ޑިވެލޮޕްމަންޓް ބޭންކުގެ މަސައްކަތް ފެށުމަކީ ވަރަށް ތާރީހީ ކަމެއް ކަމަށެވެ. އަދި އެތަނު އެންމެ އިސްވެރިންނަށް އައްޔަންކޮށްފައި ވަނީ ވަރަށް ތަޖުރިބާކާރު ބޭފުޅުންތަކެއް ކަމަށް ވެސް ވިދާޅުވި އެވެ.
ރައީސް ފާހަގަކުރެއްވކި ގޮތުގައި ޑިވެލްޕްމަންޓް ބޭންކާ އެކީ ރާއްޖެ ވާނީ ރާއްޖޭގައި ރިސޯޓުތައް ހެދުމަށާއި، ރިއަލް އެސްޓޭޓާއި، ހައުސިން މާކެޓުގެ އިތުރުން އެހެނިހެން ދާއިރާތަކުން އިންވެސްޓުކުރާ ފަރާތްތަކުގެ ހަބަކަށެވެ.
މި ސަރުކާރުގެ ވަޢުދާ އެއްގޮތަށް ރާއްޖޭގައި އަލަށް އުފައްދާ ޑިވެލޮޕްމަންޓް ބޭންކް އޮފް މޯލްޑިވްސް ލިމިޓެޑްގެ ޗެއަރޕަރސަން އަދި ސީ.އީ.އޯ ކަމަށް ޢައްޔަނުކުރާ ބޭފުޅުންނާ ބައްދަލުކުރެއްވުމަށް: pic.twitter.com/5b095vGlfx
— The President's Office (@presidencymv) August 26, 2024
"ވަރަށް ތާރީހީ ކަމެއް މި ފެށެނީ. ރާއްޖޭގެ އިޤްތިސާދު ފުޅާކުރުމަށްޓަކައި އިޤްތިސާދު ސިންދަފާތުކޮށް ކުރިއަށް ގެންދިއުމަށް ސަރުކާރުން ގެންގުޅޭ މެނިފެސްޓޯގެ އެންމެ މުހިއްމު އެއްބައި ޑިވެލޮޕްމަންޓް ބޭންކެއް އުފެއްދުމަކީ." ރައިސް ވިދާޅުވި
އެވެ.
ޑިވެލޮޕްމެންޓް ބޭންކްގެ ގަވަނިން ބޯޑަށް ތިން ބޭފުޅަކު މަހުގެ 21 ގައި އައްޔަންކޮށްފައިވެ އެވެ. އެއީ ރާއްޖޭގެ އަހުމަދު އަލީ އާއި ސިންގަޕޫރްގެ ސައީދު އަބްދުއްނާސިރު ބިން ސައީދު ހަސަން އަލް ޖުނައިދުގެ އިތުރުން އިނގިރޭސިވިލާތުގެ ރޮބާޓް ޑެނިއުލް ކާންޓްް އެވެ.
ސަރުކާރުން ޑިވެލޮޕްމަންޓް ބޭންކް އުފެއްދީ މެއި 16 ގަ އެވެ. އެ ބޭންކަށް ލައިސަންސް ހޯދުމަށް މޯލްޑިވްސް މަނިޓަރީ އޮޓޯރިޓީ، (އެމްއެމްއޭ) އަށް އިކޮނޮމިކް މިނިސްޓްރީން ހުށައެޅީ މިދިޔަ މަހުގެ 28 ގަ އެވެ.