ރައީސް ޑރ. މުހައްމަދު މުއިއްޒު ބައިވެރިވެވަޑައިގަންނަވާ ޕީއެންސީގެ ހަރުގެ ޖަލްސާއެއް މިރޭ ބޭއްވުމަށް ހަމަޖެހިއްޖެއެވެ.
ޕީއެންސީން ބުނެފައިވަނީ އެ ޕާޓީގެ ހަރުގެ ޖަލްސާއެއް މިރޭ 08:30 ގައި އެޕާޓީގެ ހަރުގޭގައި އޮންނާނެ ކަމަށެވެ.
މިރޭގެ ޖަލްސާގައި ރައީސް ޑރ. މުހައްމަދު މުއިއްޒު ބައިވެރިވެވަޑައިގަންނަވާނެ ކަމަށްވެސް ޕީއެންސީން ބުނެފައިވެއެވެ. މިރޭގެ ޖަލްސާގައި އެޕާޓީއަށް ތާއީދުކުރާ ފަރާތްތަކުން ބައިވެރިވުމަށް އެދިފައިވެއެވެ.
ރައީސް މުއިއްޒު ބައިވެރިވާ ޕީއެންސީގެ ޖަލްސާއެއް މިރޭ ބޭއްވުމަށް ނިންމިއިރު، އިއްޔެ ބީއެމްއެލްއިން ނިންމި ނިންމުމަކާ ގުޅިގެން ގިނަ ބައެއްގެ ފާޑުކިޔުމާއި ނުރުހުން ސަރުކާރަށް އަމާޒުވިއެވެ. އަދި އެ ސަބަބާއި ގުޅިގެން ބީއެމްއެލްގެ ނިންމުން ވަނީ އަނބުރާ ގެންގޮސްފައެވެ.