ބޭންކް އޮފް މޯލްޑިވްސް (ބީއެމްއެލް) ގެ ޑިރެކްޓަރުންގެ ބޯޑުން އައިޝަތު ނޫރައްދީން އިސްތިއުފާ ދެއްވައިފި އެވެ.
އޭނަ ބޯޑުން އިސްތިއުފާ ދެއްވި އިރު ހުންނެވީ ގައުމީ ބޭންކްގެ ޑެޕިއުޓީ ސީއީއޯގެ މަގާމުގަ އެވެ.
ބީއެމްއެލް އިން މިއަދު ނެރުނު ބަޔާނެއްގައި ވަނީ އޮގަސްޓް 31، 2020 ގައި ބޯޑަށް އައްޔަން ކުރި އައިޝަތު ނޫރައްދީން ކުރެއްވި އަގު ހުރި މަސައްކަތްތަކަށް ޝުކުރު އަދާކުރާ ކަމަށް ބުނެފަ އެވެ.
އޭނަ ބީއެމްއެލްއާ ގުޅިވަޑައިގަތީ 1982 ގަ އެވެ.
އެ ބޭންކްގެ ބޯޑުން އައިޝަތު އިސްތިއުފާ ދެއްވާފައި މި ވަނީ އޭނަ ބޯޑުން ވަކިކޮށްފައިވާ ކަމަށް ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ) އިން މިދިޔަ ބުރާސްފަތީގައި ހާމަކޮށްފައި ވަނިކޮށެވެ.