ކުރީގެ ރައީސް އަބްދުﷲ ޔާމީނަކީ ވަރަށް ކަންނތް ބޭފުޅެއް ކަމަށާއި އަދި އެ މަނިކުފާނަކީ ގިނަ ބަޔަކަށް ބޮޑެތި ލަނޑު ދީފައިވާ ބޭފުޅެއް ކަމަށް ޔާމީނާ ކުރިން އެންމެ އަރިސްކޮށް އުޅުއްވި އަބްދުއްރަހީމް އަބްދުﷲ ވިދާޅުވެއްޖެ އެވެެ.
މަޖިލީހުގެ ރައީސްގެ މަގާމުގައި މިހާރު ހުންނެވި އަދި މި ސަރުކާރުގެ ވަރަށް ނުފޫޒު ގަދަ ބޭފުޅެއްގެ ގޮތުގައި ފާހަގަކޮށްލެވޭ އަދުރޭ ރޭ "ސަންގު ޓީވީ" ގައި ވިދާޅުވީ ޔާމީނަކީ ސިޔާސީ ގޮތުން ގާބިލުކަން ކުޑަ ކަންނެތް ބޭފުޅެއް ކަމަށެވެ. އަދި ސިޔާސީ ޕްލެޓްގޯމެއް ހޯދުމަށް ކުރެއްވި މަސައްކަތުގެ ތެރެއިން ވުޖޫދަށް ގެނައި ޕީއޭ އުފައްދަން ވެސް ނަމުގައި ޔާމީން ކުރެއްވި އެއްވެސް ކަމެއް ނޯންނާނެ ކަމަށް ވިދާޅުވި އެވެ.
އަދުރޭ ވިދާޅުވީ އެ މަސައްކަތް ކުރެއްވީ މަޖިލީހުގެ މިހާރުގެ ނާއިބު ރައީސް އަހްމަދު ނާޒިމާއި ފޮރިން މިނިސްޓަރު މޫސާ ޒަމީރާއި ވިޔަފާރިވެރިޔާ ޖައުސާ ޖައުފަރު ފަދަ ބޭފުޅުން ކަމަށެވެ. ވިދާޅުވި އެވެ.
"ކަންނެތް މީހެއް [ރައީސް ޔާމީން] އެއީ. މަސައްކަތެއް ކުރި މީހެއް ނޫން [ޔާމީން] އެއީ." އަދުރޭ ވިދާޅުވި އެވެ.
އޭނަ ވިދާޅުވީ ޔާމީނަކީ ރައްޔިތުންގެ ތާއީދެއް އޮތް ބޭފުޅެއް ނޫން ކަމަށާ ޕީއޭ ހައްދަވައިގެން ވެސް އަބަދުވެސް އެ ބޭފުޅުން އުޅުއްވަން ޖެހިވަޑައިގަތީ 3،000 މެންބަރުން ހަމަނުކުރެވިގެން ކަމަށެވެ.
އަދުރޭ ވިދާޅުވި ގޮތުގައި 2013 ގައި ޕީޕީއެމްގެ ޕްރައިމަރީ ޔާމީނަށް ކާމިޔާބު ކުރެވުނީ ވެސް ކުރީގެ ރައީސް މައުމޫން އަބްދުލް ގައްޔޫމްގެ ހަތަރު ބޭފުޅުން ކުރެއްވި މަސައްކަތްތަކުން ކަމަށެވެ.
"[އެކަމަކު] އެ އެންމެންނަށް ވެސް ލަނޑު ދިނީ ނޫންތޯ؟ އަދުރޭ ވިދާޅުވި އެވެ.
އޭނަ ވިދާޅުވީ ޔާމީން މިހާރު ޕީޕަލްސް ނެޝަނަލް ފްރަންޓް (ޕީއެންއެފް) ހައްދައިގެން ވެސް އުޅުއްވަނީ ޕީއޭ ހައްދަވައިގެން ކުރިން އުޅުއްވި ހާލުގައި ކަމަށެވެ.